Charter Document - 00640080
| Charter Number: | 00640080 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1201 |
| Date type: | Assigned |
| Resource Link(s): |
|
Charter:
Venerabili in Christo patri ac domino Herberto Dei gratia Sarum episcopo et toti ejusdem loci et ecclesie capitulo Alanus de Bayocis salutem et debite devotionis humilem affectum in Domino Volebam ad vos in propria persona accedere et ecclesiam meam de Waia quam Deo et beate Marie Sarum in perpetuam prebendam ejusdem ecclesie dedi et concessi cum carte mee confirmatione quam vobis transmitto super altare offerre Sed quia in propria persona ad vos venire ad presens nequeo Johannam uxorem meam et filium meum ad vos transmitto ut ipsi vice mea et nomine meo ecclesiam meam de Waia cum omnibus pertinentiis suis et libertatibus et liberis consuetudinibus suis et cum omnibus decimis majoribus et minoribus tam de toto dominico in eadem villa quam de villenagiis quam Deo et beate Marie Sarum in perpetuam prebendam et liberam et quietam ab omni seculari servitio do et concedo et carte mee confirmationem super altare Sarum offerant Supplico autem vobis cum ea qua possum devotione in Domino rogans et obsecrans quatinus cum Dominus me ab hoc seculo vocaverit corpus meum in cimiterio vestro apud Sarum ad sepulturam recipiatis et me et patrem meum Randulfum et matrem meam Margaretam et uxorem meam Johannam et heredem meum Johannem et omnes antecessores et successores meos omnium orationum et suffragiorum et aliorum beneficiorum que in ecclesia vestra Sarum fient in perpetuum participes fieri concedatis Bene valete semper in Domino