Charter Document - 00640077
| Charter Number: | 00640077 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1200 |
| Date type: | Assigned |
| Resource Link(s): |
|
Charter:
Johannes Dei gratia rex Anglie dominus Hybernie dux Normannie [et] Aquitanie comes Andegavie archiepiscopis episcopis abbatibus comitibus baronibus justitiariis vicecomitibus prepositis ministris et omnibus ballivis suis et fidelibus salutem Sciatis nos suscepisse in manum custodiam et protectionem nostram dilectum et fidelem nostrum domiuum Herbertum Sarum episcopum et omnes terras homines res redditus et possessiones suas Quare vobis mandamus et firmiter precipimus quatenus ipsum et omnia sua custodiatis et manu teneatis protegatis et defendatis sicut nostra dominica non inferentes ei vel ab alio inferri permittentes injuriam gravamen aut molestiam Et si ei in aliquo forisfactum fuerit illud ei sine dilatione faciatis emendari Et prohibemus ne ponatur in placitum de aliqua re nisi coram nobis vel coram capitali justitiario nostro Teste Huberto Cantuariensi archiepiscopo cancellario nostro apud Cadomum iii Junii