Charter Document - 00640076
| Charter Number: | 00640076 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1200 |
| Date type: | Assigned |
| Resource Link(s): |
|
Charter:
Sciant presentes et futuri quod [ego] Ricardus clericus filius Willelmi monetarii ratam habeo et gratam et etiam presenti carta mea confirmo donationem et concessionem quam magister Willelmus organista frater meus fecit Deo et Sancte Marie Sarum et ejusdem loci commune scilicet de tota terra sua de Wiltone que est in feodo domine abbatisse de Wiltone in parochia Sancti Petri de Bulebrige tenendam et habendam in perpetuum cum omnibus pertinentiis et libertatibus suis in puram et perpetuam elemosinam libere et quiete plene et integre salvis vii denariis et obolo annuatim inde reddendis abbatisse de Wilton ad festum Sancti Petri ad Vincula pro omni servitio et exactione seculari prout plenius perpendi potest in carta quam predictus magister Willelmus frater meus inde eis fecit Et ut hec mea concessio et confirmatio sempiternum robur obtineat eam presenti carta et sigilli mei appositione roboravi His testibus Jocelino decano de Wiltone et aliis qui supra proximo sunt