Charter Document - 00640075
| Charter Number: | 00640075 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Assigned |
| Resource Link(s): |
|
Charter:
Sciant presentes et futuri quod ego Willelmus de Wiltone organista filius Willelmi monetarii consensu et assensu Ricardi fratris mei et Cristine et Matildis sororum mearum dedi et concessi pro animabilis predecessorum meorum cum corpore meo Deo et Sancte Marie Sarum et ejusdem loci commune totam terram meam de Wiltone que est de feodo domine abbatisse de Wilton in parochia Sancti Petri de Bolebrigge tenendam et habendam in perpetuum cum omnibus pertinentiis et libertatibus suis in puram et perpetuam elemosinam libere et quiete plene et integre cum omnibus pertinentiis et libertatibus suis salvis vii denariis et obolo annuatim inde reddendis abbatisse de Wiltone ad festum Sancti Petri ad Vincula pro omni servitio et pro omni exactione seculari Et ego Willelmus et successores mei warantizabimus et defendemus et acquietabimus hanc elemosinam cum omnibus pertinentiis suis Deo et Sancte Marie Sarum et ejusdem loci commune contra omnes homines et feminas in perpetuum per predictum servitium Et ut hec mea donatio et concessio rata et stabilis in perpetuum perseveret eam presenti carta et sigilli mei appositione confirmavi His testibus Jocolino decano de Wiltone Johanne Ysembard tunc preposito Rogero Pikot Gerlone do Bulebrige Roberto de Wintonia Gileberto Francig[ena] Willelmo fabro Waltero de Ponte Eadmundo juvene et toto halmoto domine abbatisse de Wiltone