Charter Document - 00640064
| Charter Number: | 00640064 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1195 |
| Date type: | Assigned |
| Resource Link(s): |
|
Charter:
Hubertus Dei gratia Cantuariensis archiepiscopus totius Angliae primae et apostolicae sedis legatus venerabili fratri in Christo Herberto [Poore] eidem gratia Sarum episcopo salutem in Domino Dilectus filius noster et familiaris clericus R[anulfus] thesaurarius Sarum acceptis citatoriis nostris ut coram nobis compareret ostensurus quod jus habeat in ecclesia de Fikeldene et quo jure immittatur ejusdem ecclesiae possessioni ad nos accessit [et] in praesentia nostra constitutus proposuit se jam dictam ecclesiam canonice consecutum fuisse eamque nomine thesaurariae suae ad quam spectare dinoscitur possidere pro statu etiam suo in eadem ecclesia et possessione ne in posterum ab aliquo turbetur et ne quid in praejudicium juris sui in eadem ecclesia vel thesauraria sua ad quam noscitur pertinere attemptetur coram nobis summi pontificis appellavit audientiam Verum quia causa ista personam vestram et ecclesiae vestrae Sarum dignitatem contingere videtur et in hac parte quodammodo res vestra agitur hoc idem vestrae significare fraternitati duximus ut vos de caetero non lateat memoratum R[anulfum] thesaurarium super hoc appellationem suam ad dominum papam in praesentia nostra interposuisse Valete