Charter Document - 00640053
| Charter Number: | 00640053 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Undertaking |
| Date: | 1182 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Robertus prior Wintoniensis ecclesie et totus ejusdem loci conventus salutem et orationes in Christo Cum haberemus in civitate Wintoniensi aream quandam fere sterilem et infructuosam quam Guacio de Limeriis nobis dederat que quidem si edificata foret sex marcas per annum et eo amplius valeret carissimus pater et dominus noster Ricardus Wintoniensis episcopus tam ecclesie sue quam nostre utilitati prospicimus contulit nobis pro salute anime sue de scriniis suis LX libras de sterlingis ad aream prescriptam reedificandam Nos vero communi omnium nostrorum voluntate pariter et assensu in verbo veritatis ei repromisimus quod aream sepe dictam de memorata pecunia adjecta et nostra si illa non sufficeret edificabimus ita quod ad minus sex marcas argenti exinde nobis singulis annis provenient unde anniversarium prefati episcopi in perpetuum faciemus De his autem sex marcis xxx solidi in erogatione pauperum Lucius vero in refectione nostra die anniversarii sui expendentur Si vero casu aliquo quod absit evenerit aream illam taliter edificatam deperire nos tamen habito ad beneficium nobis ab eo collatum respectu anniversarium ejus sicut prescriptum est nihilominus perpetuo faciemus Si autem census annuus de area illa supra sex marcas excreverit idem excrescens coquine monachorum assignabitur Testibus [Johanne] Dublinensi archiepiscopo Herberto Cantuariensi archidiacono magistro Haymone medico magistro Thema Griffin Johanne de Garl magistris Hugone et Thoma de Gavistre Radulfo senescallo Gwarino et Jocelino clericis G G et aliis