Charter Document - 00640041
| Charter Number: | 00640041 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Lay |
| Charter Type(s): | Bequest |
| Date: | 1163 |
| Date type: | Assigned |
| Resource Link(s): |
|
Charter:
Ego Isabella de Tony pro amore Dei et pro anima domini et conjugis mei Walteri filii Ricardi concessi et dedi ecclesie S[ancti] Andree de Durneford in perpetuam elemosinam domum Edwardi filii Boll et quicquid domui ejus adjacet scilicet dimidiam virg[atam] terre et pasturam quinquaginta ovium cum ovibus meis quocunque pascant cum aliis centum quinquaginta quas ecclesia autem habuit Adjicio etiam et concedo eidem ecclesie aliam mediam virgam terre de dominio meo cum omnibus ad eam pertinentibus in pratis et in pascuis et in omni re ut sit inter totum pastura ccxxv ovium ecclesie cum ovibus meis Concedo et ei pasturam quatuordecim animalium cum animalibus meis et porcos ecclesie ire cum porcis meis ubique libere et quiete Dedi etiam ei domum illam in qua presbyter manebat et aliam domum juxta illam Concedo preterea et confirmo predicte ecclesie totum antiquum tenementum ecclesie ita liberum et quietum et integrum in omni re sicut fuit die qua dominus meus Walterus filius Ricardi fuit vivus et mortuus Do etiam omnes rectas decimas de omni dominio meo et hominum meorum de Durneford scilicet de blado et de caseis et de lana et de porcellis et de agnis plenaria et de omnibus aliis rebus unde decima dari debet Testibus Henrico decano Salisberiensi Fulcone Hugone Buvet Waltero fratre decani Willelmo Cicestrensi canonicis Dunecano capellano episcopi Rogero Bernard Rogero de Toni Petro de Mara Hugone de Mara Henrico Huse Philippo Rogero Gilberto Everardo Gormundo Radulfo Talebos Erveyo Alwino preposito