Charter Document - 00640040
| Charter Number: | 00640040 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1163 |
| Date type: | Assigned |
| Resource Link(s): |
|
Charter:
Clemens Dei gratia abbas Schireburnie et totius ejusdem monasterii conventus omnibus Christi fidelibus ad quos presens carta pervenerit salutem Noverit universite vestra quod cum inter nos et Walterum succentor Sarum ecclesias diu haberetur controversia super decimis de Heydona et de Schyreburna et de Brumesleya quas diu possederimus et dictus succentor ad prebendam suam de Axefordia pertinere asserebat hoc pacis termino lis extincta finem habuit Statutum est in presentia venerabilis patris nostri Jocelini Sarum episcopi et totius capituli Sarum ecclesie nobis et assensum prebentibus ut monasterium nostrum Schyreburnie dictas decimas in perpetuum possideat et pro decimis illis dicto succentori et omnibus successoribus ejus in prebenda de Axeford institutis pensionem annuam scilicet unam marcam argenti persolvat dimidiam marcam ad festum S[ancti] Michaelis et dimidiam ad Pascha Ut autem hec constitutio utroque conventu tam ecclesie Sarum quam nostri monasterii consentiente approbata apud posteros quoque rata et illibata perseveraret illam presenti carta sigillis nostris impressa roboravimus