Charter Document - 00640035
| Charter Number: | 00640035 |
|---|---|
| Cartulary Title: | Charters and Documents Illustrating the Cathedral, City and Diocese of Salisbury |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1157 |
| Date type: | Internal, A.D. |
| Resource Link(s): |
|
Charter:
[Theobaldus] Dei gratia Cantuar archiepiscopus Anglie primas et apostolice sedis legatus omnibus ad quos presens carta pervenerit salutem Noverit universitas vestra venerabilem fratrem nostrum Jocelinum Sarum episcopum et ecclesiam suam in nostra et venerabilium fratrum nostrorum Rogeri Eboracensis archiepiscopi Roberti Lincolniensis Hilarii Cycestrensis episcoporum presentia quietum clamasse domino nostro regi Henrico castrum de Divises cum duobus parcis et burgum de Divises sicut fossata ea dividunt et claudunt et preter hec nil aliud Propter que rex dedit episcopo Sarum et ecclesie sue triginta libratas terre ad electionem ipsius episcopi de dominica terra corone regis quas omnino sit absque calumpnia et que sit in episcopatu Sarum Et per hoc gratiam suam et amorem suum reddidit rex episcopo ita quod de cetero eum diliget et manu tenebit Dedit etiam rex episcopo potestatem revocandi distracta et redintegrandi episcopatum sicut fuit tempore Osmundi episcopi et die qua rex Henricus fuit vivus et mortuus Et in his revocandis dominus rex non impediet episcopum sed juvabit et manutenebit Preterea reddidit dominus rex ecclesie Sarum ecclesiam de Westberia cum pertinentiis suis [ecclesiam de Fykeldene cum pertinentiis suis ecclesiam de Odyham cum pertinentiis suis] ecclesiam de Godelminge cum pertinentiis suis prebendam de Bedminstre quam tenuit Wido et Johannes post eum et post Johannem Joseph Hoc autem factum est anno Domini MCLVII crastina die post festum Sancte Luce evangeliste Valete Et nos predicti episcopi idem sigillorum nostrorum impressione testamur