Charter Document - 00640014

Eugenius episcopus servus servorum Dei venerabili fratri Jocelino Sarisberiensi episcopo ejusque successoribus canonice substituendis in perpetuum Ex injuncto nobis a Deo apostolatus officio fratres nostros episcopos tam vicinos quam longe positos debemus diligere et ecclesiis in quibus Domino militare noscuntur suam justitiam conservare ut quemadmodum patres vocamur in nomine ita nihilominus comprobemur in opere Hujus rei gratia venerabilis pater in Christo Joceline episcope predecessorum nostrorum felicis memorie Honorii atque Innocentii Romanorum pontificum vestigiis inherentes tuis justis postulationibus clementer annuimus et Sarisberiensem ecclesiam cui Deo auctore presides sub beati Petri et nostra protectione suscepimus et presentis scripti privilegio communimus statuentes ut quascunque possessiones quecunque bona inpresentiarum juste et canonice possides aut in futurum largitione regum vel principum oblatione fidelium seu aliis justis modis Deo propitio poteris adipisci firma tibi tuisque successoribus et per vos eidem ecclesie et illibata permaneant in quibus hec propriis duximus exprimenda vocabulis Veteres Sarisberias cum hundredo suo et aliis omnibus appenditiis Scireburnam cum foro hundredo et aliis omnibus pertinentiis Poternam cum Lavinton et hundredo et aliis omnibus pertinentiis suis Rammesberiam cum Wanberga et Beidona et hundredo suo et aliis omnibus appenditiis Sunnings cum Dunesdena et Wokingham et hundredo et theoloneo navium per Tamisiam fluvium ibi transeuntium et aliis omnibus pertinentiis decimas omnes de venatione regis in episcopatu Sarisberiensi excepta venatione illa que capta erit cum stabilia in foresta de Windresores nundinas apud Saresberiam singulis annis per tres dies ante nativitatem beate Marie proximos per diem ipsam festi et tres sequentes dies trabes et ligna et aliam materiam lignorum in foresta regis ad reficiendam et conservandam Sarisberiensem ecclesiam ex dono bone memorie Matildis regine theoloneum Sarisberie et placita ejusdem theolonei totam terram quam Alwardus tenuit in burgo Sarisberie totam terram quam Godus tenuit in burgis Sarisberie et Wilton De illis autem possessionibus que ipsius ecclesie juris esse noscuntur et a potentibus vel aliis hominibus ipsius terre violenter et contra justitiam a morte Henrici regis Anglorum occupati sunt et detinentur hoc statuimus ut nulla unquam prescriptio eidem ecclesie propter hoc objiciatur vel eadem ecclesia prejudicium aliquod patiatur sed ad jus et dominium ipsius ecclesie auxiliante Domino revocentur Quarum nomina presenti munimine duximus annotanda videlicet castrum de Divisis cum adjacentibus suis castrum Scireburne cum vineis vinariis molendinis et aliis omnibus pertinentiis suis feudum Hunfridi Franc Chevalier de Immemera et alia multa militum feuda et hominum servitia ad Sarisberiensem ecclesiam pertinentia Canninges cum pertinentiis suis et Hildeslegam Preterea presentis decreti auctoritate sancimus ut universi Sarisberiensis episcopatus fines quieti et deinceps omnino et integri tam tibi quam tuis successoribus conserventur sicut tu ipse et predecessores tui eos hactenus quiete et legitime posses sistis Et quoniam pastores ecclesie in edificationem non in destructionem sunt secundum Apostolum constituti possessiones ejusdem ecclesie injuste distractas ad jus et dominium ipsius loci canonice revocandi liberam tibi concedimus facultatem statuentes ut nec tibi nec tuis successoribus liceat easdem res vel possessiones ab ecclesia alienare vel alicui in feudum dando ab ecclesie ditione transferre decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur tuis et pauperum Christi usibus omnimodis profutura salva sedis apostolice auctoritate Si qua igitur in futurum ecclesiastica secularisve persona hujus nostre constitutionis paginam scicus contra eam ternene venire temptaverit secundo tertiove commonita si non reatum suum congrua satisfactione correxerit potestatis honorisque sui dignitate careat reamque divino judicio existere de perpetrata iniquitate cognoscat et a sacratissimo corporo et sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniaut Amen Ego Eugenius catholice ecclesie episcopus Datum Viterbi per manum Baronis sancte Romane ecclesie subdiaconi vi kalendas Decembri indictione x incarnationis Dominice MCXLVI pontificatus vero domini Eugenii pape tertii anno secundo