Charter Document - 00621066
| Charter Number: | 00621066 |
|---|---|
| Cartulary Title: | The Chartulary of the Augustinian Priory of St. John the Evangelist of the Park of Healaugh |
| Charter Language: | Latin |
| Charter Origin: | Lay |
| Charter Type(s): | Inspeximus |
| Date: | 1209 - 1218 |
| Date type: | Assigned |
| Resource Link(s): |
|
Charter:
Inspeximus [] Omnibus has litteras visuris vel audituris Petrus de Brus salutem Noveritis me divine pietatis intuitu concessisse et presenti scripto meo confirmasse Deo et sancte Marie et sancto Johanni Evangeliste de Parcho de Helagh et fratribus ibidem Deo servientibus donacionem quam fecit eis domina Jueta mater mea scilicet unum toftum cum crofto in villa de Waleton cum omnibus pertinenciis suis illud scilicet quod Rycardus Scyrlok tenuit Et preterea communem pasturam ad viginti vaccas cum sequela sua unius anni et ad sexaginta oves Et preterea prefati fratres percipient de turbario meo et nemore ad focalia et ad edificia facienda per visum forestariorum meorum racionabiliter quantum eis sufficit ad prefate terre tenuram Hec omnia tenebunt predicti fratres et possidebunt in liberam et puram et perpetuam elemosinam solute et quiete ab omni servicio et consuetudine et exaccione cum omnibus libertatibus et aisiamentis ad eandem villam pertinentibus terram pertinentibus infra villam et extra in bosco et plano et in omnibus locis ad eandem villam pertinentibus Ego autem et heredes mei warantizabimus predictis fratribus predictam elemosinam contra omnes homines inperpetuum Hiis testibus Willelmo de Thameton Roberto del Echre Godfrido de Hoga et multis aliis