Charter Document - 00620071
| Charter Number: | 00620071 |
|---|---|
| Cartulary Title: | The Chartulary of the Augustinian Priory of St. John the Evangelist of the Park of Healaugh |
| Charter Language: | Latin |
| Charter Origin: | Lay |
| Charter Type(s): | Inspeximus |
| Date: | 1240 - 1260 |
| Date type: | Assigned |
| Resource Link(s): |
|
Charter:
Inspeximus [] Omnibus Christi fidelibus Petrus de Brus tercius salutem in domino Noveritis me dedisse concessisse et hac presenti carta mea cyrographata confirmasse Deo et domui sancti Johannis Evangeliste de Parco de Helagh et canonicis ibidem Deo servientibus in liberam puram et perpetuam elemosinam in escambio viginti acrarum et unius rode terre mensuratarum cum pertica viginti pedum quas habuerunt in territorio de Thorp quas Johannes filius Laurencii carpentarii de eisdem canonicis aliquando tenuit duas bovatas terre in territorio de Waleton de dominico meo cum omnibus libertatibus pertinenciis et aisiamentis infra villam et extra ad duas bovatas terre in eadem villa de Waleton in territorio pertinentibus tantam scilicet totam terram quam habui in dominico in cultura que vocatur Gatherhowe et novem acras et unam rodam terre in cultura que vocatur Bradflat ex parte orientali et unam acram propinquiorem extra toftum dictorum canonicorum in dicta villa de Waleton in cultura que vocatur Byurtreflat mensuratas per perticam viginti pedum Preterea dedi et concessi eisdem canonicis in liberam puram et perpetuam elemosinam partem unius selionis quantum se extendit in longitudine a parte orientali dicte acre quam de me habent in Byurtreflat usque ad viam versus occidentem que ducit ad viam de Walleton et tenet perticam octodecim pedum in latitudine tenendum et habendum dictis canonicis et eorum successoribus libere pure quiete et integre inperpetuum Ego vero Petrus de Brus et heredes mei omnia predicta dictis canonicis et eorum successoribus pro ut supradictum est contra omnes homines warantizabimus adquietabimus et defendemus inperpetuum Et in hujus rei testimonium parti hujus scripti cyrograffati quam dicti canonici penes te habent sigillum meum apposui parti autem penes me reservate appensum est sigillum capituli dictorum canonicorum Hiis testibus Roberto Ingeram Nicholao de Stuteuill Gilone de Catherton et multis aliis