Charter Document - 00620065
| Charter Number: | 00620065 |
|---|---|
| Cartulary Title: | The Chartulary of the Augustinian Priory of St. John the Evangelist of the Park of Healaugh |
| Charter Language: | Latin |
| Charter Origin: | Lay |
| Charter Type(s): | Inspeximus |
| Date: | 1222 - 1240 |
| Date type: | Assigned |
| Resource Link(s): |
|
Charter:
Inspeximus [] Omnibus Christi fidelibus Petrus de Brus filius Petri de Brus salutem Noveritis me dedisse et concessisse et hac presenti carta mea confirmasse Deo et sancte Marie et sancto Johanni Evangeliste de Parcho et canonicis ibidem Deo servientibus pro salute anime mee et uxoris mee et antecessorum et heredum meorum in puram et perpetuam elemosinam octo acras terre in territorio de Waleton in novo essarto meo quod jacet inter Rudgate et terram Willelmi de Hamerton scilicet propinquiores Hugeridynge tenendas et habendas et possidendas predictis canonicis cum omnibus pertinenciis libertatibus et aisiamentis suis infra villam et extra ita libere et quiete sicut aliqua elemosina potest liberius et quiecius teneri Preterea dedi et concessi et hac eadem carta mea confirmavi predictis canonicis in puram et perpetuam elemosinam viam liberam ad quarrarium meum in territorio de Torp qua scilicet via continentur tres rode et dimidium a via que vadit de Trop versus Werreby ad capiendum inperpetuum in ipso quarrario lapidem ad edificia sua construenda Et ego et heredes mei predictis canonicis predictas elemosinas warantizabimus et defendemus contra omnes homines Hiis testibus Willelmo de Tameton Gulfrido de Everlay Willelmo de Bradelay et aliis