Charter Document - 00600113
| Charter Number: | 00600113 |
|---|---|
| Cartulary Title: | Early Yorkshire Charters, the Tison Fee |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1195 - 1198 |
| Date type: | Assigned |
| Resource Link(s): |
|
Charter:
Hub[ertus] Dei gratia Cant[uariensis] archiepiscopus totius Angl[ie] primas et apostolice sedis legatus omnibus ad quos presens scriptum peruenerit salutem in Domino Notum fieri uolumus uniuersis et singulis quod cum controuersia uerteretur inter dilectos filios monachos de Rucford et Hubertum Hosatum clericum et consanguineum nostrum super decimis prouenientibus ex terra quam idem monachi in parrochia ecclesie ipsius Huberti de Egrum excolunt quas idem Hub[ertus] ad ecclesiam suam asserebat pertinere et super quibusdam iniuriis de quibus dicti monachi conquerebantur tandem interuenientibus amicis lis hoc modo coram nobis sopita quieuit Monachi decimas quas memoratus Hub[ertus] ad ecclesiam suam de Egrum pertinere dicebat scilicet decimas totius terre quam ipsi excolunt in parrochia eiusdem ecclesie toto tempore uite ipsius Huberti et uite dilecti filii Henrici Hosati patroni eiusdem ecclesie eidem ecclesie de Egrum sine omni conditione adiecta liberas et quietas concesserunt firmiter promittentes quod quamdiu idem Hub[ertus] et Henr[icus] Hosati uixerint nullam super eisdem decimis mouebunt questionem Hubertus autem qui super iniuriis conueniebatur super hiis super quibus conueniebatur memoratis monachis congrue satisfecit sicque inter eos contentio hinc inde mota coram nobis finem accepit Vt igitur hoc in posterum nulli ueniat in dubium prescripte compositionis formam presentis scripti serie et sigilli nostri appositione duximus testificandam Hiis testibus Galfr[id]o de Boc[land] magistro Simone de Siwell magistro Willelmo de Sumercotes magistro Reinerio de Stanford Ric[ardo] de Basingeh[am] Rob[erto] Mautalent et aliis multis