Charter Document - 00590235
| Charter Number: | 00590235 |
|---|---|
| Cartulary Title: | Early Yorkshire Charters, the Percy Fee |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1189 - 1194 |
| Date type: | Assigned |
| Resource Link(s): |
|
Charter:
Uniuersis sancte matris ecclesie filiis ad quos litere iste peruenerint Henricus de Putheacho salutem in uero salutari Nouerit uniuersitas uestra me concessisse et dedisse et hac presenti carta mea confirmasse intuitu pietatis diuine et salutis anime patris mei et matris mee et anime mee et Dionisie vxoris mee omniumque parentum meorum Deo et beate Marie de Hessewella et canonicis regularibus ibidem Deo seruientibus ecclesiam de Wicthona cum omnibus ad eam pertinentibus et ecclesiam de Gicheleswic cum omnibus ad eam pertinentibus in puram et perpetuam elemosinam liberam et quietam ab omni seculari seruitio et exactione cum omnibus libertatibus et liberis consuetudinibus quascumque unquam predicte ecclesie de Wicthona et Gicheleswic liberius honorabilius uel quietius tenuerunt et possederunt scilicet in villa et extra uillam cum toftis et croftis in bosco in plano in viis et semitis in moris et mariscis in aquis in molendinis et stagnis in pratis et pasturis et in omnibus aliis aisiamentis ad prefatas ecclesias pertinentibus Hiis testibus Bertramo priore Burchardo archidiacono Willelmo archidiacono Simone camerario Willelmo de Houeden Philippo de Colevill Gaufrido filio Ric[ardi] Henrico de Ferlinctona et Waltero fratre eius Jordano Esscotlaund Willelmo filio Thome Willelmo de Mainheremere Roberto de Watteuill Willelmo de Herlesei Bertramo de Hepped et multis aliis