Charter Document - 00530031

Conanus dux Britannie et comes Richem[undie] omnibus suis hominibus et amicis Britannie et Anglie et vniuersis sancte matris ecclesie filiis tam clericis quam laicis Sal[utem] Notum sit uobis me concessisse et dedisse Deo et abbathie de Kirkestede et monachis eiusdem loci totam terram meam de Suthorpe iuxta Gayton ad quamdam grangiam construendam uel ad faciendum inde quicquid uoluerint cum omnibus terris meis cultis et incultis et communiis et pratis et pasturis eidem grangie ex omni parte adiacentibus quantum pertinet ad feodum meum et omnes terras et tenementa que et quas habui uel habere potui in villa et in territorio de Gayton tam in dominico quam in dominio cum capitali managio meo in eadem villa et cum aduocacione ecclesie et cum toto dominio eiusdem uille et cum omnibus hominibus meis liberis et natiuis in eadem uilla et cum eorum tenementis redditibus et seruiciis et consuetudinibus et pertinenciis et cum omnibus catallis natiuorum meorum et cum omnibus sequelis eorundem sine aliquo retinemento molendinum etiam et taccametum cum stagno et cum omnibus libertatibus et pertinenciis et esiamentis ad dictam uillam quomodocunque spectantibus sine impedimento mei uel heredum meorum uel balliuorum nostrorum imperpetuum Ita quod nec ego nec heredes mei nec balliui heredum meorum curias nostras uel placita nostra infra libertates et limites de Gayton tenebimus neque abbatem nec tenentes suos liberos aut natiuos ad curias nostras uel ad placita nostra citabimus uel citare faciemus pro aliquo terreno seruicio neque pro breui de recto nec pro aliquo alio breui sed sint soluti et quieti pro nobis et heredibus nostris et balliuis nostris ab omnimoda calumpnia et consuetudine et exaccione et demanda imperpetuum Preterea concedo et confirmo dictis monachis omnes terras et tenementa que et quas emerunt uel excambiauerunt cum hominibus meis quibuscunque et ubicunque uel que habent ex dono et dimissione eorundem hominum per totum dominium meum in Gaiton Welton iuxta Gaiton Yerburg Germunthorp sanctum Botulphum et alibi ubique in feodo meo in comitatu Lincolnie Omnia predicta dedi et concessi Deo et beate Marie et monachis de Kirkestede cum saca et soca et tol et theam et infangenthef et houtfangenthef cum omnimoda forisfactura que ad murdrum et ad latrocinium pertinent libera et soluta et quieta de omnibus placitis et querelis et de omnibus geldis scutagiis et auxiliis mihi et heredibus meiis qualitercunque spectantibus Concedo similiter et confirmo eisdem monachis quod si aliqui vitam uel menbrum debeant amittere uel fugerint et iudicio stare noluerint uel aliquod delictum fecerint pro quo catalla uel uitam uel menbrum debeant amittere vt omnia predicta et iudicia predictorum sint dictis monachis sine calumpnia mei uel heredum meorum aut balliuorum dictorum heredum meorum imperpetuum cum omnibus libertatibus quas dominus Henricus rex Anglie filius imperatricis mihi et heredibus meis prius concesserat in ita liberam puram et perpetuam elemosinam sicut aliqua elemosina liberius et quiecius teneri potest uel haberi preter quod dabunt mihi et heredibus meis annuatim ad festum sancti Botulphi pro una dimidia carucata terre xx solidos tantum non faciendo aliquam fidelitatem uel aliquod aliud terrenum seruicium Pro hac autem concessione dederunt mihi predicti monachi ccc et l libris sterlingorum quare rogo omnes amicos meos pro amore Iesu Christi vt sint eis propicii et pacifici et fauorabiles et ego et heredes mei warantizabimus acquietabimus et defendemus dictis monachis omnia predicta sicut nostram liberam puram et perpetuam elemosinam contra omnes homines imperpetuum Hiis testibus Baldrico de Sygillo Rannulfo canonico Rogero de Moubrai Willelmo de Vesci Hamone Boterell[] Lamberto de Mult[ona] Rogero Trehant[ona] Roberto camerario Goscelino de Richinot Alano de Mumbi Eundone de Greinesbi Alfredo de Pointon[a] Fulcone Ribald[] Apud Wasingburg[]