Charter Document - 00520099

Stephanus rex Anglorum archiepiscopis episcopis abbatibus vicecomitibus et omnibus fidelibus suis totius Anglie salutem Presentis carte attestatione confirmo ecclesie Sancti Johannis de Beverlaco pacem suam infra lugeam suam et ejusdem violate pacis emendationem sicut est a rege Alestano ipsi ecclesie collata et a ceteris Anglorum regibus confirmata privilegia quoque et dona que a regibus Edwardo et avo meo Willelmo consecuta est et libertates omnes et consuetudines et dignitates et rectitudines tam in terris quam in aquis et in omnibus possessionibus suis cum soca et saca et tol et team et in his que ad illa ubique pertinent feriam quoque suam ad Nativitatem Sancti Johannis Baptiste v diebus cum mea firma pace omnibus illuc venientibus et inde recedentibus et ibi morantibus tam vendentibus quam ementibus cum omnibus rebus suis travas quoque suas per totam Austriding iiij ad cultrum et vomerem etiam in dominicis maneriis meis et denarios de travis secundum consuetudinem ipsius ecclesie Et volo et firmiter precipio quod ipsa ecclesia ita teneat [bene et] in pace et honorifice et plenarie in omnibus rebus in bosco et plano in pratis et pasturis in terris in aquis in navibus et portubus et omnibus aliis rebus sicut ipsa umquam melius et plenius et honorabilius et liberius tenuit tempore regis Edwardi et Willelmi avi mei et avunculorum meorum regum Willelmi et Henrici et sicut eorundem carte regum testantur Hec confirmo et regia auctoritate statuo et a Deo mihi collata potestate illi ecclesie in perpetuum mansura corroboro Testibus Turstino archiepiscopo Eboracensi et Alixandro Lincolniensi episcopo et Nigello Elyensi episcopo et Adel[waldo] episcopo Carliolensi et Rogero canc[ellario] et Roberto de Ver et Hugone Bigoto et R[oberto] filio Ricardi et Willelmo Mart[el] et Roberto de Ferr[ariis] apud Eboracum anno incarnationis dominice MCXXXV regni vero mei primo