Charter Document - 00519096
| Charter Number: | 00519096 |
|---|---|
| Cartulary Title: | The Cartulary of Worcester Cathedral Priory |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1164 - 1179 |
| Date type: | Assigned |
| Resource Link(s): |
Reference Document for this Embedded Document |
Charter:
Uniuersis sancte matris ecclesie filiis ad quos presens scriptum peruenerit R[ogerus] miseratione diuina Wigorn ecclesie minister humilis salutem in uero salutari Ad uniuersitatis uestre noticiam uolumus peruenire quod Symon de Mans pro sua et predecessorum suorum salute priori et conuentui Wigorn ecclesie ius aduocationis quod habuit in capellis de Dodeham et Knitewicha pia deuotione donauit Ita scilicet ut prescripti monachi ius memoratum absque reclamatione prescripti Symonis uel heredum suorum in perpetuum habeant et teneant pacifice et quiete et hoc eis carta propria confirmauit Nos igitur piam deuotionem memorati Symonis in domino commendantes donationem ab ipso factam ratam habemus et gratam eamque iam dictis priori et conuentui scripti et sigilli nostri munimine roboramus Testibus Roberto de Bernaio et Gaufrido de Corton presbyteris Roberto Blundo Roberto de Porta Daniele et pluribus aliis clericis et laicis
Source (click image below to view full size)
