Charter Document - 00500116

Anno regni regis Henrici filii regis Johannis sexto de termino Pasche assisa venit recognoscere quis advocatus tempore pacis presentavit ultimam personam que mortua est ad ecclesiam de Burneham que vacat [] cujus advocationem Rogerus de Clifforde clamat adversus abbatem Gloucestrie qui venit per attornatum suum et dicit quod assisa non debet inde fieri Re vera Robertus filius Roberti de Ewyas pater uxoris ejusdem Roberti ultimo presentavit ad ecclesiam illam et post donum illud dedit idem Robertus ecclesiam illam domui sue per cartam suam quam profert et que donum illud testatur Et continetur in carta quod idem Robertus Deo pro Deo [] ecclesie Sancti Michaelis et Sancti Jacobi de Ewyas omnes ecclesias dominii sui cum omnibus pertinentiis suis et capellis [] videlicet ecclesiam de Sancte Keyn et ecclesiam de Ettone et ecclesiam de Lydeyard et ecclesiam de Burenham quam pater suus Haraldus dedit [] ad construendum prioratum de Ewyas per manum et dispositionem abbatis et conventus Gloucestrie secundum ordinem eorum Hec autem conditio inter abbatem et conventum Gloucestrie et ipsum Robertum constituta est quod abbas et conventus Gloucestrie ad festum Sancti Michaelis proximo futurum statuet ibi priorem cum uno monacho Et cum contigerit aliqua trium ecclesiarum scilicet de Etone et de Lydezard et de Burnham vacare abbas ponet ibi conventum qui ibidem remanebit si conventus ibi remanere possit et sufficienter sustentari Si autem minus sufficientem adhuc sustentationem habeant ex communi consilio abbatis et ejusdem Roberti remanebunt quot ibi poterunt sustentari Reliqui vero subtrahentur Et cum aliqua alia trium predictarum ecclesiarum vacaverit abbas statuet ibi conventum ad manendum ibi si officine fuerint convenienter constructe Et si non dum duabus ecclesiis vacantibus constructe fuerint officine ab illo tempore in tres annos construende erunt sufficienter ut deinceps conventus ibi maneat sine omni excusatione Profert etiam cartam Roberti filii sui que donum illud confirmat et similiter predictam conditionem Et Rogerus dicit quod carte ille non debent ei nocere quin habeat seysinam suam quia per predictam cartam debuit abbas posuisse conventum apud Ewyas et cum ecclesie predicte vel aliqua illarum vacasset debuit assignasse eam ad sustentationem ejusdem conventus per predictam conventionem et super hoc contra cartam illam dedit idem predictas duas ecclesias de Ettone et Lydezard duobus clericis qui ad presentationem suam admittuntur ut persone et desicut ipse abbas non tenuit conventionem per cartam suam quam profert petit judicium si debeat cartam tenere et preterea dicit quod ad hanc eandem ecclesiam presentavit idem abbas clericum suum contra conventionem illam Et abbas dicit non dedit ecclesias illas et si illas dedisset hoc non stetit per cum quia in episcopo loci est ecclesias illas assignare in proprios usus de hoc quod dicit quod presentavit clericum suum ad eandem ecclesiam hoc verum est quia episcopus loci voluit eam appropriare in usus suos Et si voluerit loqui de conventione bene poterit Et quia Rogerus cognoscit quod abbas est in seysina de duabus ecclesiis predictis per predictum donum et non stat per abbatem quin conventio teneatur consideratum est quod abbas recuperavit seysinam suam et Rogerus in misericordia