Charter Document - 00499367
| Charter Number: | 00499367 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1183 - 1187 |
| Date type: | Assigned |
| Resource Link(s): |
Reference Document for this Embedded Document |
Charter:
Videlicet quod predictus abbas Cirencestrie sectam ad hundredum seu hundreda sua exactam ab abbate Gloucestrie pro tenemento cum pertinenciis quod fuit Roberti Bussel in manerio de Estlech quam sectam idem Robertus et antecessores sui facere dicebantur seu tenebantur sub forma subscripta facere permisit seu concessit in futurum scilicet quod prefatus abbas Gloucestrie et successores sui quamdiu terram prefati Roberti in manu sua retinuerint ballivum suum de Estlech qui pro tempore fuerit per litteras suas patentes attornatum constituant qui sectam pro predicto tenemento faciat locis et diebus debitis et consuetis sine calumpnia occasione vel contradiccione abbatis Cirencestrie vel suorum quorumcumque ballivorum ita quod ballivo abbatis Gloucestrie huiusmodi amoto seu decedente alius ballivus loci eiusdem ei succedens modo predicto constituatur et sine contradiccione alicuius admittatur Si vero contigerit quod abbas et conventus Gloucestrie tenementum quod predictus Robertus Bussel tenuit alicui tradiderint tenendum de eisdem in feodo ille qui tenementum tenuerit sectam pro eodem tenemento sit facturus et ballivus abbatis Gloucestrie antedictus de secta huiusmodi quam facere consueverat pro tenemento supradicti Roberti ex tunc sit omnino quietus Abbas insuper sancti Petri Gloucestrie pro se et successoribus suis totum jus et clamium quod habuit vel habere potuit exigendi vel habendi communam pasture in locis ubi molendinum ipsius abbatis Cirencestrie apud Duntesbourne Notebem stagnum et vivarium construuntur et in una crofta clausa que est in parte occidentali curie ipsius abbatis in eadem villa de Duntesbourne sine aliqua contradiccione remisit inperpetuum ita videlicet quod liceat abbati de Cirencestrie croftam predictam quocumque genere clausture claudere sine ipsius abbatis et conventus Gloucestrie contradiccione salvo jure tenencium duas acras infra croftam de feodo eorum Concessit eciam idem abbas Gloucestrie pro se et successoribus suis quod predictus abbas Cirencestrie duas acras quas homines sui tenent infra croftam predictam de feodo ipsius abbatis Gloucestrie a tenentibus eas possit excambiare et cum tota pastura predicta de se et successoribus suis separata licite retinere inperpetuum ita tamen quod abbas Gloucestrie idem jus habeat in ipsis duabus acris escambiatis sicut habuit in duabus acris infra croftam contentis Insuper concessit sepe dictus abbas Gloucestrie prenominato abbati Cirencestrie quod in oratorio suo apud Duntesbourne infra finites parochie cuius existit patronus constructo licite divina possit celebrare salvo jure cuiuscumque cum ibidem venerit cum sua familia celebrata audire dum tamen predicta ecclesia debitis obsequiis et consuetis non fraudetur Et ut firma pax mutua caritas et concordia inter partes efficiatur augeatur et servetur inperpetuum omnes exacciones conquestiones et lites inter partes prius suborte omnino impostorum mutuo relaxentur sopiantur et conquiescant
Source (click image below to view full size)
