Charter Document - 00490813
| Charter Number: | 00490813 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Religious |
| Charter Type(s): | Agreement, Memorandum |
| Date: | 1273 |
| Date type: | Internal, Feast, Regnal |
| Resource Link(s): |
|
Charter:
Memorandum quod cum Willelmus de Blebury in festo sancti Andree apostoli anno regni regis Edwardi secundo dominum H[enricum] abbatem Cirencestr apud Rading coram magistris Ricardo de Stanes et Rogero de Seyton domini regis justiciariis de communa pasture in villa de Eston Upthrop implacitasset lis inter partes predictas in hunc modum conquievit videlicet quod predicti abbas et conventus Cirencestr pro se et successoribus suis concesserunt Willelmo de Blebury et heredibus suis inperpetuum pasturam ad centum oves in propria falda sua existentes in toto campo qui vocatur Suthfeld ex parte australi de la Whyteweye quando non seminatur ubi abbas pascit oves suas in villa de Estone Upthrop excepta tota predicti abbatis et conventus sive seminatur sive non Ita scilicet quod dictus Willelmus et heredes sui quolibet anno inperpetuum die Omnium Sanctorum ponant predictas centum oves suas in predicta pastura et eam cum predictis ovibus suis pascant per totum annum usque ad festum beati Petri ad vincula et sic de anno in annum inperpetuum sive dicti abbas et conventus et successores sui tunc posuerint oves suas in dicta pastura sive non Et si dictus abbas et conventus et successores sui ante dictum terminum Omnium Sanctorum oves suas vel agnos in predicta pastura posuerint nisi per evasionem ibidem venerint licebit predicto Willelmo et heredibus suis oves suas ponere in predicta pastura et eam pascere modo predicto et licebit predicto abbati et conventui et successoribus suis post festum beati Petri ad vincula et post asportacionem garbarum predictam pasturam pascere cum bobis vaccis bovettis et vitulis Ita quod in fraudem dicti abbatis et conventus nulla garba ultra debitum terminum ibidem remaneat ita quod interim dictus Willelmus et heredes sui in dicta pastura in nullo se intromittant usque ad dictum festum Omnium Sanctorum nec quod predictus abbas et conventus et successores sui predictum Willelmum vel heredes suos de pastura sua sub la Whiteweye injuste aliquo modo impediant inperpetuum In cuius rei testimonium []
Source (click image below to view full size)
