Charter Document - 00490784
| Charter Number: | 00490784 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1261 |
| Date type: | Internal, Feast, Regnal |
| Resource Link(s): |
|
Charter:
Sciant presentes et futuri quod ego Radulphus le Marescal de Bernecestr[ie] recognovi et concessi pro me et heredibus meis inperpetuum domino Rogero abbati Cirencestr[ie] et canonicis ibidem Deo servientibus et eorum successoribus me tenere in villenagio ad voluntatem ipsius abbatis et conventus unam dimidiam acram terre cum pertinenciis in Stratton sive sit ibi plus vel minus quam dimidiam acram terre Willelmus Buvetun villanus predicti abbatis et conventus michi tradidit quando Leciam filiam suam desponsavi et concedo pro me et heredibus meis et recognosco quod faciam de cetero predictis abbati et conventui et eorum successoribus inperpetuum dum predictam terram tenuero in serviciis et in omnibus aliis rebus et consuetudinibus ad villenagium pertinentibus quicquid ad tantam terram pertinet facere sicut ad terram villanam et bene licebit predictis abbati et conventui et eorum successoribus et eorum ballivis predictam terram cum omnibus suis pertinenciis in manus suas capere quandocumque voluerint et eam retinere inperpetuum sine omni clamio contradiccione vel calumpnia mei vel heredum meorum In cuius rei testimonium huic scripto sigillum meum apposui Hiis testibus Simone de Sancto Licio []
Source (click image below to view full size)
