Charter Document - 00490113
| Charter Number: | 00490113 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1301 |
| Date type: | Internal, Calendar, Papal |
| Resource Link(s): |
Reference Document for this Embedded Document |
Charter:
Bonefacius episcopus servus servorum Dei dilecto filio abbati monasterii de Evesham Wygorniensis dioecesis salutem et apostolicam benediccionem Significarunt nobis abbas et conventus monasterii de Cirencestrie ordinis sancti Augustini Wygorniensis dioecesis quod cum ipsum Walterum de Chilteham clericum dicte dioecesis super eo quod idem clericus super ecclesia de Amenel quam in usus proprios se proponunt canonice optinere in jurabatur eisdem coram venerabili fratre nostro episcopo Wygorniensis auctoritate ordinaria traxissent in causam idem episcopus cognitis ipsius cause meritis et juris ordine observato pro ipsis abbate et conventu diffinitiam sentenciam promulgavit quam iidem abbas et conventus apostolico petierunt munimine roborari Quocirca discrecioni tue per apostolica scripta mandamus quatinus sentenciam ipsam sicut est justa facias per censuram ecclesiasticam appellacione remota firmiter observari Data Laterani idibus Januarii pontificatus nostri anno sexto