Charter Document - 00489360
| Charter Number: | 00489360 |
|---|---|
| Cartulary Title: | The Cartulary of Cirencester Abbey, Gloucestershire |
| Charter Language: | Latin |
| Charter Origin: | Royal |
| Charter Type(s): | Mandate |
| Date: | 1300 |
| Date type: | Internal, Regnal |
| Resource Link(s): |
Reference Document for this Embedded Document |
Charter:
E[dwardus] Dei gracia [] dilectis et fidelibus suis J[ohanni] de Berewyk Waltero de Gloucestrie W[altero] de Pauely et J[ohanni] de Crockesle salutem Quia volumus quod carta domini regis H[enrici] quondam regis Anglie patris nostri de foresta in omnibus et singulis suis articulis firmiter et inuiolabiliter obseruetur assignauimus ad conuocandum in presencia vestra justiciarium foreste nostre citra Trentam vel ipsum quem loco suo posuerit et omnes forestarios de feodo et viridarios forestarum nostrarum in comitatibus Suthamton et Wyltes et perambulacionem rectam per visum vestrum et illorum in ipsis forestis per sacramentum tam militum quam aliorum proborum et legalium hominum de eisdem comitatibus per quos rei veritas melius sciri poterit et perambulacio illa fieri poterit faciendam iuxta tenorem carte predicte saluo semper iuramento nostro et iure corone nostre racionibus nostris atque calumpniis et omnium aliorum ita tamen quod si aliquem vestrum morte vel infirmitate contigerit impediri quominus ad hoc intendere possit volumus quod vos loco illius qui sic fuerit impeditus vnum militem discretum et legalem uel alium de comitatibus predictis associatis ad premissa vna vobiscum exequenda ad quod faciendum vobis tenore presencium plenam committimus potestatem Et ideo vobis mandamus quod ad certos dies et loca quos ad hoc prouideritis premissa faciatis in forma predicta Mandauimus enim singulis vicecomitibus nostris comitatuum predictorum quod ad certos dies et loca quos eis scire faciatis venire facient coram vobis tot et tales tam milites quam alios probos et legales homines de balliuis suis per quos rei veritas in premissis melius sciri et perambulacio predicta fieri poterit sicut predictum est et perambulacionem predictam distincte et aperte factam sub sigillis vestris et sigillis eorum per quos facta fuerit nobis reportetis antequam aliqua execucio vel aliud inde fiat vt ex tunc inde fieri faciamus quod secundum tenorem carte predicte fuerit faciendum In cuius rei testimonium has litteras nostras fieri fecimus patentes Teste meipso apud Westmonasterium primo die Aprilis anno regni nostri xxviii
Source (click image below to view full size)
