Charter Document - 00469148
| Charter Number: | 00469148 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Attestation |
| Date: | 1305 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
In nomine Patris et Filii et Spiritus sancti Amen Ego Gilbertus de Grimisby capellanus in hunc modum meum condo testamentum die Sabbati proximo ante festum Sancti Petri in Cathedra anno Domini MCCC quinto In primis lego animam meam Deo et omnibus sanctis curie celestis et corpus meum ad sepeliendum in monasterio Sancti Johannis Beverlacensis si fieri potest sin autem in cimiterio fratrum predicatorum in cera circa corpus meum v solidos Item in convocatione amicorum die sepulture mee x solidos Item lego Domino Roberto de Harpham rectori ecclesie Sancti Nicholai j equum album et j pullum bay Item lego Domino Ricardo de Byrkyn capellano j hakenay lyard et robam meam meliorem integram et porti forium meum et lectum meum cum omnibus pertinentiis Item lego Waltero de Grymesby j robam simplicem Item lego Baldewyno j super tunicam et j collobium cum capitio Volo etiam et concedo quod totum residuum bonorum meorum in isto testamento non legatum sit in dispositione executorum meorum Istius autem testamenti istos meos ordino facio et constituo executores scilicet Dominum Robertum de Harpham superius in presenti testamento nominatum et Dominum Ricardum de Birkyn capellanum
Source (click image below to view full size)
