Charter Document - 00462135
| Charter Number: | 00462135 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1306 |
| Date type: | Internal, Calendar, Episcopal |
| Resource Link(s): |
Borthwick Institute - Register 7 (f1v) |
Charter:
Willelmus permissione divina [] Dilectis in Christo filiis Capitulo nostro Beverlacensi Salutem gratiam et benedictionem Cum per sedem apostolicam favorabiliter sit statutum quod ecclesiarum collegiatarum Canonici episcopi sui obsequiis insistentes suarum fructus integre percipere debeant prebendarum nec quod de communitatis sibi debetur beneficio quicquam eis subtrahi debeat vel auferri quia absentes eos dici non convenit set presentes qui in sui prelati et ecclesie servitio commorantur ac dilectus in Christo filius Magister Johannes de Nassington vester concanonicus Officialis Curie nostre Eboracensis per ceteris clericis nostris tanquam is qui pro nobis pondus ot estus habet jugiter supportare nostris et ecclesie nostre continue noscatur utilitatibus insudare sicque ex ecclesiastica remuneratione merito gaudere debeat Juxta canonicas sanctiones devotionem vestram monemus et [h]ortamur in Domino quatinus eidem Magistro Johannes officiali nostro [tam] de corrodio in Bederna Beverlacensi ad prebendam suam spectante quod de corpore ejusdem prebende sue esse dicitur quam de aliis qualitercunque pertinentibus ad eandem cotidianis distributionibus duntaxat exceptis dum predicto nostro immoratur obsequio absque difficultate qualibet faciatis integre responderi ut in ipsius persona fraternam vestram affeccionem et erga nos vestram filialem obedienciam possimus et debeamus merito commendare Quid autem in hac parte duxeritis faciendum nobis curetis rescribere cum per eundem magistrum Johannem officialem nostrum fueritis requisiti Valete Datis apud Friston iiij Kalendas Junii pontificatus nostri anno primo
Source (click image below to view full size)
