Charter Document - 00461206

Sciant presentes et futuri quod ego Robertus de Pykering canonicus et prebendarius prebende Sancti Petri in ecclesia S[ancti] Johannis Beverlacensis in Beverlaco Dedi concessi assignavi et hac presenti carta mea confirmavi Capitulo dicte ecclesie [] et successoribus suis octo choppas cum pertinentiis in Beverlaco per me in solo prebende mee predicte ibidem de novo constructas jacentes in longitudine a terra prebende S[ancte] Katerine usque ad terram prebende S[ancte] Marie in ecclesia antedicta et in latitudine inter altam viam Beverlaci que vocatur Fismarketegat et murum situatum in terra prebende mee antedicte pro divisione terre dictarum chopparum et terre ejusdem prebende Ad inveniendum unum capellanum divina singulis diebus in predicta ecclesia celebraturum inperpetuum pro mei et venerabilis patris Domini Willelmi de Grenefeld Dei gratia Eboracensis Archiepiscopi Anglie primatis ac Magistri Willelmi de Pykering Archidiaconi Notingham fratris mei germani statu salubri et animabus patris mei matris mee Ade fratris mei et Cecilie sororis mee et antecessorum et successorum meorum ac Archiepiscoporum Canonicorum Eboracensium et Beverlacensium ecclesiarum et omnium Christi fidelium defunctorum ac post mortem nostram pro animabus nostris et omnibus animabus supradictis Tenendum et habendum predictas octo choppas cum omnibus pertinentiis suis libertatibus et aisiamentis ac etiam cum omni jurisdictione temporali in personis inhabitantibus dictas choppas dicto Capitulo et successoribus suis libere quiete bene et in pace inperpetuum Salvis mihi et successoribus meis in prebenda antedicta spirituali jurisdictione oblationibus decimis personalibus et aliis obventionibus quibuscumque dictarum personarum ad jus parochiale pertinentibus quovismodo Predictum autem Capitulum et successores sui per magistrum operis ecclesie memorate dictas octo choppas sufficienter sustentabunt et quinque marcas argenti annuatim ad festum S[ancti] Martini in hyeme et ad Pentecosten per equales partes de firma dictarum viij chopparum exeuntes per manus ejusdem magistri operis capellano ut premittitur singulis diebus celebraturo reddent et persolvent inperpetuum Residuum vero firme antedicte deductis sustentatione et quinque marcis predictis in commodum dicti operis inperpetuum convertentur Presentatio siquidem hujusmodi capellani dum prebendam tenuero antedictam ad me pertineat postmodum vero collatio ejusdem cantarie quotiens vacaverit ad Capitulum pertineat antedictum Et volo quod idem capellanus quicunque pro tempore fuerit statim post matutinas dictas in choro ecclesie ejusdem ad altare dicte Prebende S[ancti] Petri celebret cotidie nisi infirmitate vel alia causa rationabili eum contigerit impediri et tunc per alium capellanum ydoneum faciat eisdem loco et tempore celebrari in modo suprascripto ac plenum servitium pro mortuis videlicet placebo dirige et commendationem singulis dicat diebus principalibus festis ejusdem ecclesie duntaxat exceptis ac processionibus intersit in habitu necnon vesperis matutinis et missis festorum duplicium ecclesie prelibate Super quorum observatione fideli in sua admissione jurare corporaliter teneatur In cujus rei testimonium sigillum meum presentibus est appositum Datis apud Brantyngham undecimo die mensis Maii A[nno] D[omini] millesimo CCC septimo Hiis testibus Thoma le Hyrde Willelmo de Barton Johanne de Celar[io] Radulpho Rousyng Willelmo de Tenelby Roberto de Willardby Johanne Pistore Racero Laurence Ricardo de Kyrkeby Petro de Sutton Elia scriptore et aliis