Charter Document - 00461177

Universis presens privilegium seu instrumentum publicum inspecturis Rogerus de Monte Florum Dei gratia Comes Palatinus Pacem eandem et salutem Sagax humane nature discretio memorie hominum labi litate pensata ne diuturnitate temporum que inter contrahentes aguntur oblivionis defectui subjacerent Tabellio natus adinvenit officium per quod contrahentium vota scribuntur Et scripture ministerio postmodum longum servantur in evum Cum itaque Ricardus Botemound de Sutton clericus Eboracensis Dyocoeseos in nostra presentia constitutus nobis humiliter supplicavit ut sibi tabellio natus officium concedere dignaremur Nos ipsius Ricardi supplicationibus quem ad hujusmodi tabellio natus officium exercendum sufficientem et ydoneum esse reperimus in hac parte favorabiliter annuentes recepto prius ab eodem Ricardo sacrosancte Romane ecclesie ac sacri Romani imperii nomine fidelitatis solite necnon etiam ab ipso tabellio natus officium fideliter et legaliter exercendi corporaliter juramento predicto Ricardo auctoritate nobis in hac parte et antecessoribus nostris a divis imperatoribus super conficiendis notariis seu tabellionibus publicis concessa prefatum tabellio natus officium duximus concedendum ac ipsum Ricardum de eo per pennam calamarium atque cartam que tunc in manibus nostris tenebamus presentialiter investivimus ipsumque ad pacis osculum recepimus Dantes et concedentes eidem Ricardo dicta auctoritate nobis ut superius exprimitur in hac parte concessa plenam licentiam tenore presentium et liberam potestatem instrumenta acta prothocolla conficiendi et litteras exemplandi capiendi et publicandi testes recipiendi examinandi et eorum dicta publicandi testamenta et codicillos conficiendi confessiones super quibuscunque contractibus audiendi et recipiendi ac insumendi et scribendi ultimas decedentium voluntates et quelibet alia instrumenta scripturas sive contractus tam ultimarum voluntatum quam quorumcunque aliorum negotiorum scribendi publicandi examinandi necnon etiam sententias judicum ordinariorum delegatorum et arbitrorum audiendi et etiam formandi appellationes exceptiones quascunque tam in judiciis quam extra conficiendi et ordinandi cum potestate dandi tutores et curatores decreta interponendi alimenta decernendi Necnon emancipare manumittere et adoptare volentibus auctoritatem prestandi officium judicis ordinarii exercendi Et de premissis omnibus et eorum singulis coram quibuscunque judicibus tam ecclesiasticis quam secularibus plenam fidem faciendi dictumque Tabellio natus officium ubilibet et ubicumque terrarum libere prudenter et fideliter exercendi ac omnia alia et singula faciendi que ad sepe dictum officium quomodolibet spectare noscuntur vel etiam pertinere Et ad predictum Ricardum cum necesse fuerit in omnibus et singulis supradictis et que ad premissum officium spectant libere curratur In quorum omnium testimonium et certitudinem pleniorem presens privilegium seu instrumentum publicum fieri et publicari mandavimus per Stephanum del Clottes de Jarum Notarium publicum infrascriptum et sigilli nostri fecimus appensione muniri Datum et actum Lugduni in claustro fratrum minorum anno nativitatis Domini millesimo CCC sexto indictione quarta vicesimo quinto die mensis Decembris Pontificatus sanctissimi Patris Domini Clementis Pape quinti anno primo presentibus discretis viris Johanne Sparu de Jarum clerico Eboracensis dyoeceseos et Simone de Feriby clerico Lincolniensis dyoeceseos testibus ad premissa vocatis specialiter et rogatis Et ego Stephanus del Clottes de Jarum clericus Eboracensis dioeceseos publicus sacri Romani imperii auctoritate notarius concessioni ac investiture dicti tabellio natus officii factis dicto Ricardo per Comitem Palatinum supradictum una cum testibus supradictis premissis omnibus et singulis presens interfui signavi et nomine roboravi rogatus