Charter Document - 00461159
| Charter Number: | 00461159 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1306 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus de Pykering canonicus ecclesie Sancti Johannis Beverlacensis et Prebendarius prebende Apostolorum Sanctorum Petri et Pauli in eadem ecclesia dedi concessi et hoc presenti scripto tripartito confirmavi Ade de Schupton Johanne uxori ejus et Thome filio eorundem Unum messuagium et quatuor bovatas terre cum pertinentiis in Etton de prebenda mea antedicta quod quidem messuagium jacet inter terram Johannis de Lokyngton et terram Radulphi Barri et predicte quatuor bovate terre jacent per medium campum inter terram quam Walterus de Kelk tenet de prebenda Sancti Andree Apostoli in ecclesia Beverlacensi et terram Willelmi Barri Tenendum et habendum totum predictum tenementum cum omnibus suis pertinentiis libertatibus et aysiamentis predictis Ade Johanne et Thome in tota vita sua et eorum alicujus libere quiete bene et in pace Reddendo inde annuatim mihi et successoribus meis in prebenda antedicta triginta sex solidos et octo denarios argenti ad festum Sancti Martini in hyeme et ad Pentecosten per equales portiones et faciendo sectam curie et omnia alia servitia ut vicini sui tenentes de eadem prebenda faciunt Et ego Robertus canonicus ac prebendarius predictus et successores mei totum predictum tenementum cum omnibus suis pertinentiis Ade Johanne et Thome in tota vita sua et eorum alicujus contra omnes homines warrantizabimus Decedentibus Ada Johanna et Thoma predictis totum predictum tenementum cum omnibus suis pertinentiis mihi et successoribus meis in prebenda antedicta integrum revertetur In cujus rei testimonium uni parti presentis scripti tripartite in dentati penes dictos Adam Johannam et Thomam residenti sigillum meum apposui alterique parti ejusdem scripti penes me et successores meos in prebenda antedicta commoranti predicti Adam Johanna et Thomas sigilla sua apposuerunt ac etiam tam ego quam predicti Adam Johanna et Thomas tertiam partem istius scripti penes Capitulum Sancti Johannis Beverlacensis residentem sigillis nostris corroboravimus Hiis testibus Domino Jacobo de Frivill milite Laurentio de Etton Ada de Boulton Johanne Schott Hugone du Clay Johanne filio Oliveri Johanne de Wytton Ricardo le Mercer Simone de Lindesay Ingelramo de Brigham Waltero de Tenelby clerico et aliis