Charter Document - 00461001
| Charter Number: | 00461001 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1286 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 4 (f92r) |
Charter:
J[ohannes] permissione divina Eboracensis Archiepiscopus Anglia primas Dilectis in Christo filiis Abbatibus prioribus archidiaconis officialibus decanis ecclesiarum rectoribus vicariis presbyteris parochialibus et ceteris ecclesiarum prelatis per Eboracensem dioecesim constitutis Salutem gratiam et benedictionem Cum Beverlacensi Capitulo cohercendi quoscunque infringentes seu perturbantes Beverlacensis ecclesie libertates sive in aqua de Hul sive alibi et compellendi ad solutionem travarum que ipsa Ecclesia percipere consuevit per censuram ecclesiasticam auctoritate nostra commiserimus potestatem vobis districtius injungendo Mandamus quatinus illos quos idem Capitulum pro violatione seu perturbatione hujusmodi libertatum vel solutione travarum non facta excommunicaverit ad ipsius Capituli mandatum vos et singuli vestrum excommunicatos publice et sollempniter nuntietis eosque tanquam excommunicatos faciatis usque ad satisfactionem condignam ab omnibus arctius evitari Vos in premissorum executione ita prebentes faciles et paratos per vestram devotionem debeamus ex merito commendare Bene valetis Datis apud Burton viii Id Decembris Anno gracia MCC octogesimo sexto et pontificatus nostri primo