Charter Document - 00460176
| Charter Number: | 00460176 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1306 |
| Date type: | Internal, A.D., Calendar |
| Resource Link(s): |
Borthwick Institute - Register 7 (f5r) |
Charter:
Willelmus permissione divina [] Dilecto in Christo filio Willelmo de Anelaghby clerico de Berfell in nostra Beverlacensi ecclesia Salutem gratiam et benedictionem Illos quos merita dignos reddunt libenter prosequimur gratia et favore presertim in eis in quibus honor et utilitas ecclesie sancte Dei versantur Attendentes itaque tue merita probitatis et tam tuam quam parentum erga nos et ecclesiam nostram devotionem sinceram ac sperantes quod in scientia litterali proficere debeas cum tam ingenio quam etate docilis existere dinosceris permittimus ut studio litterarum insistens portionem tuam in ecclesia nostra Beverlacensi predicta cum ea integritate qua residens consueveras percipias quousque super negotio omnium et aliorum clericorum Berefellariorum statum contingente quod coram nobis in decisum pendet aliud duximus ordinandum Cures igitur sic studendo proficere ut fructum in ecclesia Dei in tempore valeas opportunum afferre et ecclesia que tua est interim caritiva presentia magis ydoneum et devotum impostorum sentiat te ministrum Vale Datis apud Cawod xvj Kalendas Januarii anno gratie millesimo trecentesimo sexto
Source (click image below to view full size)
