Charter Document - 00460007

Thomas Dei gratia Eborcensis Archiepiscopus Anglie primas Dilecto in Christo filio Decano nostro de Herthill ad infra scripta per nos specialiter deputato Salutem gratiam et benedictionem Cum a jure canonico sit prohibitum ne quis plures dignitatis personatus et ecclesias vel beneficia ecclesiastica quibus cura imminet animarum absque dispensatione sedis apostolice vel alio jure speciali et sufficienti recipiat aut simul valeat retinere ac Aymo de Carto Prepositus ecclesie nostre Beverlacensis precentoriam ecclesie Lugdunensis et in ecclesiis Lausanensi et Beverlacensi predictas preposituras que dignitates aut personatus existunt vel saltem curam opti nent animarum dudum recepit et postea retentis eisdem vel earum aliquibus etiam ecclesiam prebendalem de Duncarvan Lisimorensis dioecesis curam habentem consimilem tanquam Rector recepit tenuit et adhuc tenet una cum beneficiis ecclesiasticis supradictis fructus et proventus eorum omnium et singulorum percipiendo et in usus suos proprios pro sue voluntatis libito convertendo Propter quod urgendo con scientia et ex officii nostri debito exercitati eundem Aymonem pridie super hiis vocandum decrevimus et litteras nostras citatoria indictas persone sue per nostros fideles nuntios direximus porrigendas sed idem Aymo callide ut intellexi mus citationes nostras subterfugiens et mandata malitiose egit quominus dicte nostre littere ad ipsius Aymonis personalem presentiam poterant sic pervenire Quocirca discretioni tue committimus et injungimus et firmiter mandamus quatinus hac instanti die dominica ad ecclesiam nostram Beverlacensem predictam necnon domos Bederne Beverlaci ad preposituram suam spectantes personaliter accedens propter periculum quod ex dilatione ampliori imminet animarum citas peremptorie dictum Aymonem prepositum Beverlacensem quod sit coram nobis vel commissariis nostris seu commissario pluribus aut uno in majori ecclesia nostra Eboracensi die Martis proximo post dominicam qua cantatur quasi modo geniti per se vel per procuratorem sufficienter instructum compareat dispensationes seu aliud jus speciale auctoritate quorum dicta beneficia ecclesiastica curam animarum habentia canonice tenere valeat exhibiturus ostensurus facturus ulterius et recepturus quod justum fuerit et canonicis convenerit institutis Si autem dictus Aymo personaliter inventus non fuerit tunc hoc citationis edictum in dicta ecclesia dum magna missa cantatur procuratori suo si quem ibidem dimiserit et nihilominus clericis et laicis notis proximis et amicis dicti Aymonis in lingua materna ita quod eum latere non valeat solempniter publices et exponas copiam presentis tam in magno altari ejusdem ecclesie quam in aula dicte Bederne publice dimittendo Nos autem vel dictos commissarios nostros seu commissarium plures aut unum ad dictos diem et locum de die receptionis presentium et citationis facte in forma predicta ac super hiis que feceris in premissis reddas per tuas patentes litteras que harum tenorem contineant certiores Vale Datis apud Burton Nonis Martii pontificatus nostri anno quinto