Charter Document - 00460005
| Charter Number: | 00460005 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1304 |
| Date type: | Internal, A.D., Episcopal |
| Resource Link(s): |
|
Charter:
Thomas Dei gratia Eboracensis Archiepiscopus Anglie primas Dilectis in Christo filiis Capitulo nostro Beverlacensi Salutem gratiam et benedictionem Meminimus nos dudum in nostra Beverlacensi ecclesia presentibus multis ex vobis astanteque tam cleri quam populi multitudine omnes illos qui malitiose clam vel palam libertatem nostram Beverlacensem seu infra villam ipsam sive extra in villis vicinari sive parcis vel locis aliis quibuscumque spectantibus ad libertatem eandem violaverint seu in fregerint eorumque auctores sanctorum quoscunque accensis candelis et extinctis canonica monitione premissa publice et sollempniter excommunicasse in genere et excommunicatos etiam nuntiasse quamquam omnes tales ipso facto sint majoris excommunicationis sententia in anno promulgata pluries dampnabiliter involuti Quam sententiam et pupplicationem ejusdem tam in dicta Beverlacensi ecclesia diebus dominicis solemnibus et festivis quam in pleno loci mercato diebus ejusdem in forma prescripta quam vobis observandam nuper reliquisse meminimus publice et sollempniter modo consueto et debito recitatis efficaciter et solempniter publicetis Inquirentes de nominibus eorundem de quibus cum vobis legitime constiterit nobis citra mediam quadragesimam constare faciatis fideliter per vestras litteras harum seriem continentes Nec cessetis a denuntiatione hujusmodi donec aliud super hoc a nobis receperitis in mandatis Valetis Datis apud Cawode viii Idus Januarii pontificatus nostri anno quarto
Source (click image below to view full size)
