Charter Document - 00460004
| Charter Number: | 00460004 |
|---|---|
| Cartulary Title: | Memorials of Beverley Minster |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1303 |
| Date type: | Internal, Calendar, Episcopal |
| Resource Link(s): |
Borthwick Institute - Register 6 (f206r) |
Charter:
Thomas Dei Gratia Eboracensis Archiepiscopus Anglie primas Dilectis in Christo filiis Archidiacono Estriding suis officialibus ac decanis nostris singulis universisque rectoribus vicariis et presbyteris parochialibus per Archidiaconatum Estriding constitutis ad quos litere presentes per venerint Salutem gratiam et benedictionem Querelam dilectorum filiorum Capituli nostri Beverlacensis nuper recepimus pretendentem quod licet ipsorum mandata canonica predecessorum nostrorum temporibus ad exequendum contra non solventes travas Ecclesie Beverlacensi et Beato Johanni ab antiquo debitas seu detentores earum vobis directa cum devotionis promptitudine exequi solebatis non nulli tamen vestrum id facere tepescunt et ut fertur contempserunt propter quod tam Bederna quam portiones prebendarum suarum et aliorum officiorum in ecclesia Beverlacensi que pro majori parte in travis consistunt jam diminui et decrescere inceperunt sic quod subtractis stipendiis et victualibus comministrorum predicte ecclesie processu temporis relinqueretur quod absit ipsa ecclesia desolata dum pro jure suo exequendo nulli vel pauci contra adversantes se exponunt propitios seu devotos quos idem Quocirca vobis districte et firmiter injungendo mandamus quatinus vos omnes et singuli contra omnes illos Capitulum pro violatione seu perturbatione libertatum Beverlacensis Ecclesie vel solutione hujusmodi travarum que ipsa ecclesia ab antiquo percipere consuevit non facta ex communicaverit vel citando suspendendo aut alio modo canonice processerit contra eosdem mandata ipsius Capituli vobis occasione premissa de cetero dirigenda prout retro actis temporibus in casu hujusmodi solet fieri juxta seriem vim et effectum ipsorum exequamini reverenter Vos in premissorum executione ita prebentes paratos quod vestram debeamus devotionem et merito commendare Valetis Datis apud Burton juxta Beverlacum viii Idus Aprilis pontificatus nostri anno quarto
Source (click image below to view full size)
