Charter Document - 00459069
| Charter Number: | 00459069 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1228 - 1238 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus ad quos presens scriptum pervenerit Alexander permissione divina Coventr[ensis] et Lych[efeldensis] ecclesiarum minister humilis salutem in Eo qui est omnium salus Ex officio nobis commisso loca religiosa paterna pietate fovere tenemur et promovere et eis uberius providere quos in Dei servicio vigilanciores noverimus ut dum eis in temporalibus providetur uberius et liberius divinis vacent obsequiis Hinc est quod predecessorum nostrorum vestigiis inherentes terras redditus molendina cum omnibus rebus aliis iuste priori et canonicis sancti Nicholai de Burscogh collatis et conferendis et ecclesias de Huyton et de Ormeskirk eisdem in usus proprios habendas et ius quod habent tam a patronis quam [a] predecessoribus nostris in ecclesia de Flixton cum omnibus pertinenciis predictis priori et canonicis concessis confirmamus salvo nobis et successoribus nostris iure episcopali et parochiali et salvo clericis qui eas possident iure quod habent quoad vixerint Unde ut hec nostra concessio et confirmacio perpetue firmitatis robur optineant eas presentis scripti patrocinio et sigilli nostri munimine roboravimus Testibus []
Source (click image below to view full size)
