Charter Document - 00458039
| Charter Number: | 00458039 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1286 |
| Date type: | Internal, Feast, Regnal |
| Resource Link(s): |
Reference Document for this Embedded Document |
Charter:
Anno regni regis Edwardi quartodecimo in festo sancti Michaelis apud Lancastram ita convenit inter dominum Edmundum filium inclite recordacionis Henrici regis Anglie ex parte una et priorem et canonicos de Burscogh ex altera videlicet quod dictus dominus Edmundus pro se et heredibus suis concessit dictis priori et canonicis quod habeant liberum mercatum in villa de Ormeskirk singulis septimanis per diem iovis et nundinas secundum quod continetur in carta domini regis quam ipsi habent de predictis mercato et nundinis habenda et tenenda predictis priori et canonicis et eorum successoribus sine contradiccione vel impedimento predicti domini Edmundi seu heredum vel ballivorum suorum de Lyverpull annuatim unam marcum argenti in festo nativitatis beate Marie Virginis loco et nomine stallagii et tolneti que in dicta villa idem dominus Edmundus capere solebat et pro omnibus que ad dictum dominum Edmundum vel heredes suos de predictis mercato et nundinis poterunt pertinere et si casu contigerit quod predictum mercatum aliquo tempore defecerit ita quod nullum sit tunc predicti prior et canonici et eorum successores a prestacione dicte marce annue sint quieti In cuius rei testimonium predictus dominus Edmundus uni parti istius scripti sigillum suum et predicti prior et canonici alteri parti sigillum suum commune apponi fecerunt Hiis testibus domino Willelmo Botiller Roberto Banastr Roberto de Holand Iohanne Byronn Petro de Wyndhull Roberto de Lathum militibus Iohanne Wallens Gilberto de Halsale Alano le Norreys et aliis
Source (click image below to view full size)
