Charter Document - 00450156
| Charter Number: | 00450156 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1224 - 1232 |
| Date type: | Assigned |
| Resource Link(s): |
Reference Document for this Embedded Document Reference Document for this Embedded Document |
Charter:
Omnibus Christi fidelibus ad quos presens scriptum pervenerit Alexander permissione divina Covintrensis et Lichiffeldensis ecclesiarum minister humilis salutem in Domino Ex officio nobis commisso loca religiosa paterna pietate fovere tenemur et promovere et eis uberius providere quos in Dei servicio vigilanciores noverimus ut dum eis in temporalibus providetur uberius et liberius divinis vacent obsequiis Hinc est quod predecessorum nostrorum vestigiis inherentes terras redditus molendina cum omnibus rebus aliis iuste prior et canonicis sancti Nicholai de Burchestude collatis et conferendis et ecclesias de Huton et de Ormiskirke eisdem in usus proprios habendas et ius quod habent tam a patronis quam predecessoribus nostris in ecclesia de Flixston cum omnibus pertinenciis suis predictis priori et canonicis concessum confirmamus salvo nobis et successoribus nostris iure episcopali et parochiali et salvo clericis qui eas possident iure quod habent quoad vixerint Unde ut hec nostra concessio et confirmacio perpetue firmitatis robur optineant eas presentis scripti patrocinio et sigilli nostri munimine roboravimus Testibus abbate de Cestr[ia] abbate de Stanlowe priore de Norton magistro Ricardo de Glowern[ia] domino Ricardo de Stavenebi domino T[homa] offic[iali] Cestr[ensi] et multis aliis
Source (click image below to view full size)
