Charter Document - 00450142
| Charter Number: | 00450142 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1215 - 1260 |
| Date type: | Assigned |
| Resource Link(s): |
|
Charter:
Sciant presentes et futuri quod ego Iohannes de Mara dominus de Croston concessi et dedi et hac presenti carta mea confirmavi pro salute anime mee et pro animabus patris mei et matris mee et antecessorum et successorum meorum Deo et ecclesie sancti Nicholai de Burscogh et priori et canonicis ibidem Deo servientibus in puram et perpetuam elemosinam inperpetuum scilicet duas acras terre et unam percatam in territorio de Croston cum uno tofto quem Iohannes capellanus meus edificavit quarum duarum acram tres seliones iacent inter moram et Caynokeslache due scilicet de dominico et terciam de bovata que erat Adam servientis et una selio et dimidia inter Caynokeslache et villam de Croston simul iacendo selio de dominico et dimidia de bovata Adam servientis et due dimidie seliones in Wellecher que ascendunt de tofto predicto usque in pratum ad orientem de Wallech cum communa ubi homines mei et homines ecclesie communam habent salvis michi aliis libertatibus meis Hanc autem elemosinam ego et heredes mei predicte domui sancti Nicholai et canonicis de Burscogh contra omnes homines warantizabimus inperpetuum ita quod nec ego nec heredes aliquid impostorum exigere possimus preter preces et oraciones Testibus []