Charter Document - 00450136
| Charter Number: | 00450136 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 - 1245 |
| Date type: | Assigned |
| Resource Link(s): |
|
Charter:
Sciant presentes et futuri quod ego Robertus filius Ricardi dominus de Lathum concessi et dedi et hac presenti carta mea confirmavi priori et canonicis sancti Nicolai de Burcghestide quamdam partem terre mee in Anlewesarehe in liberam puram et perpetuam elemosinam illam scilicet terram que vocatur Swinlehehurst infra has divisas scilicet de scho de Ledwardene sequendo per cliffum usque in profunditatem karre usque in Hulisike et sic per profunditatem karre usque in Hulisike et sic sequendo le sike in occidentali parte usque in Widhenelehebroc et sic sequendo Wicdhenelehebroc usque in Ledwardenebroc et sic sequendo Ledwardenebroc sicut divisa dividit de Anlewesarehe et Hwelton et sic usque ad predictam scho cum omnibus libertatibus et aisiamentis ville de Anlewesearehe pertinentibus Dedi eciam eis loca in pastura de Anelewesarehe ut ipsi possint sibi et animalibus suis cunctis nutriendis domos et boscara satis competencia edificare mecum cum voluerint ubi ego edifico per se cum voluerint ubi sibi magis elegerint expedire sine aliquo impedimento molestia et gravamine et pessonum in nemoribus de Anlewesearehe et ligna ad ignem et ad edificia sua Hanc autem elemosina eis feci pro salute anime mee et T[home] Botiler domini mei antecessorum et successorum meorum sicut ulla elemosina liberior dari debet vel potest et ego et heredes mei tenementum istud et redditum trium solidorum quem Ranulfus de Heppei de hac terra michi et antecessoribus meis solebat reddere et quicquid de hoc ad meum vel meorum spectat dominium dictis priori et canonicis in liberam puram et perpetuam elemosinam contra omnes homines et feminas warantizabimus et in huius rei testimonium presenti scripto apposui sigillum meum Testibus Iohanne de la Marc Simone de Halissale Waltero de Scarisbrec Adam de Akenehevet Rogero de Hurlton Ricardo fratre eius Ada et Simone de Bikirstat Ada de Knusele Ricardo fratre eius Henrico de Torboc Henrico de Stanidis Roberto Walensi et multis aliis
Source (click image below to view full size)
