Charter Document - 00450127

Sciant presentes et futuri quod ego Ricardus filius Thome dominus de Cophul concessi et dedi et hac presenti carta mea confirmavi Deo et ecclesie sancti Nicholai de Bourehestude priori et canonicis ibidem Deo servientibus in liberam puram et perpetuam elemosinam quamdam partem terre mee absque ullo retinemento infra has divisas et quatuor cruces scilicet totam terram que est intra altam villam de Caldecotes que est in oriente et terram quam Iohannes Capellanus tenuit in occidente et de aqua de Perburna que est in austro usque in veterem fossam de Caldecotes que est versus aquilonem de Perburna et sic sequendo illam veterem fossam usque ad unam crucem et dictam magnam villam de Caldecotes et sic per villam illam usque ad unam crucem et vadum qui est in eadem alta via super Perburnam et sic de vado illo cum omni integritate aque partis mee de Perburne usque ad memoratam terram dicti Iohannis tenendam et habendam sicut ulla elemosina liberior esse potest aut purior cum communi pastura et macerie et omnibus aisiamentis et libertatibus ville de Cophul pertinentibus et viginti quatuor porcos quietos de pannagio in omnibus nemoribus meis exceptis haiis et ego Ricardus et heredes mei hanc prefatam terram cum omnibus pertinenciis suis quam dedi pro salute anime mee et animabus patris mei et matris mee antecessorum et successorum meorum predictis priori et canonicis contra omnes homines et feminas warantizabimus imperpetuum ita quod nec ego nec heredes mei nec aliquis sub nomine meo aliquid pro predictis exigere possimus de cetero preter prioris et canonicorum oraciones Unde ut hec mea donacio debite firmitatis robur optineat presentem cartam sigillo meo roboravi Hiis testibus domino Ricardo decano de Stanidis Hanrico de Perbold Radulfo de Bikirstat domino Iohanne de Mara W[altero] de Scarisbrek H[enrico] de Stanidis et multis aliis