Charter Document - 00450121
| Charter Number: | 00450121 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1241 - 1266 |
| Date type: | Assigned |
| Resource Link(s): |
|
Charter:
Sciant omnes presntes et futuri quod ego Willelmus dominus de Walton concessi et dedi et hac presenti carta mea confirmavi Deo et beato Nicholao de Burscou priori et canonicis ibidem Deo servientibus in puram et perpetuam elemosinam pro anima mea et Agnetis uxoris mee et pro animabus patris mei et matris mei et antecessorum et successorum meorum quamdam porcionem terre mee in territorio de Walton scillicet ad quemdam locum qui vocatur le Breche habentem in longitudine viginti octo perticas et in latitudine octo perticas cum communi pastura ville de Walton centum ovibus cum sequela duorum annorum et duobus bobus et ego vero Willelmus et heredes mei predictam porcionem terre cum housebote et hayebote de nemore de Walton ad predictam terram claudendam et edificandam et aliis communibus asiamentis ville de Walton pertinentibus contra omnes homines et feminas imperpetuum warantizabimus et defendemus predictis priori de Burscou et canonicis et eorum successoribus et ita libere et quiete quod nec ego Willelmus de Walton nec heredes mei nec aliquis alius per nos nichil inde exigere aut vendicare valeamus preter preces et oraciones et in huius rei testimonium huic presenti scripto pro me et heredibus meis sigillum meum apposui Hiis testibus []
Source (click image below to view full size)
