Charter Document - 00450112
| Charter Number: | 00450112 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1275 - 1303 |
| Date type: | Assigned |
| Resource Link(s): |
|
Charter:
Sciant presentes et futuri quod ego frater Warinus prime de Borescou et eiusdem loci canonici dedimus concessimus et hac presenti carta nostra confirmavimus Roberto de Byrun et Iohane uxori sue et heredibus eorum vel assignatis pro homagio et servicio suo duas seliones terre in villa de Melling videlicet illas duas seliones quas Ricardus del Halle de Kyrkeby prius de nobis tenuit hereditarie in Melling tenendas et habendas de nobis et successoribus nostris sibi et heredibus suis vel signatis suis in feodo et hereditate libere quiete integre pacifice et hereditarie imperpetuum cum communi pasture et cum omnibus aliis communibus libertatibus et asiamentis ville de Melling pertinentibus reddendo inde annuatim ipse et heredes sui nobis et successoribus nostris sex denarios argent[i] ad festum beati Nicholai pro omnibus serviciis exactionibus consuetudinibus et demandis et nos vero dictus prior et canonici predictas duas seliones cum pertinenciis ut predictum est predicto Roberto de Byrun et Iohane uxori sue et heredibus eorum contra omnes gentes imperpetuum warantizabimus et aquietabimus et defendemus In cuius rei testimonium presenti scripto sigillum nostrum commune apposuimus Hiis testibus Iohanne le Waleys Gilberto de Halesale Madoc[o] de Acton Anyoun Gam Symone filio Orm Willelmo de Laylont et aliis
Source (click image below to view full size)
