Charter Document - 00450091
| Charter Number: | 00450091 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1245 - 1303 |
| Date type: | Assigned |
| Resource Link(s): |
|
Charter:
Sciant omnes tam presentes quam futuri quod ego Iohannes Wallens de Lytherlond dedi concessi et hac presenti carta mea confirmavi Deo et beate Marie et sancto Nicholao de Burscogh priori et canonicis ibidem Deo servientibus pro anima patris mei et matris mee et omnium antecessorum meorum et successorum in puram et perpetuam elemosinam quamdam partem terre mee in territorio de Dalton super Bokeside scilicet infra has divisas incipiendo ad Liveldesbrigge et abinde sequendo inter carrum et arridam terram usque in clohum sequendo clohum usque ad terram beate Marie de Cokersond sequendo terram iliam usque ad terram beati Iohannis Baptiste et abinde sequendo sepem in rectitudine usque ad domum quam Robertus de Leghe fundavit in terram beati Nicholai et abinde sequendo bancum usque ad prenominatum Lyveldesbrigge tenendam et habendam pacifice et integre libere et quiete cum communi pastura et cum omnibus communibus asiamentis et libertatibus dicte ville de Dalton pertinentibus ita libere et quiete ut aliqua elemosina melius et liberius dari potest viris religiosis ita quod nec ego dictu Iohannes et heredes mei predictam terram cum omnibus libertatibus suis predictis predicto priori et canonicis contra omnes homines et feminas imperpetuum warantizabimus Ut hec autem donacio et carte mee confirmacio rata et stabilis semper permaneat presenti scripto sigillum meum supposui Hiis testibus []
Source (click image below to view full size)
