Charter Document - 00450084
| Charter Number: | 00450084 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1245 - 1260 |
| Date type: | Assigned |
| Resource Link(s): |
|
Charter:
Sciant omnes presentes et futuri quod ego Robertus dominus de Lathum dedi concessi et hac presenti carta mea confirmavi Deo et beato Nicholao de Burscogh priori et canonicis ibidem Deo servientibus quartam partem tocius ville de Dalton illam scilicet partem quam Adam filius Ryerit de Acton michi vendidit cum omnibus pertinenciis suis in bosco in plano in pratis in pascuis in aquis in viis in sentitis in molendinis in nisis in apibus in pessona in dominicis in serviciis in homagiis et cum omnibus libertatibus et omnibus asiamentis dicte ville de Dalton pertinentibus pro salute anime mee patris mei et matris mee et omnium antecessorum et successorum meorum et pro anima Iohanne uxoris mee tenendam et habendam in feodo et hereditate libere quiete pacifice et honorifice et integre cum omnibus libertatibus et asiamentis prescriptis ita libere et quiete et ego Robertus nec heredes mei nec aliquis alius per nos nichil inde exigere vel vendicare valeamus preter preces et oraciones et ego vero Robertus de Lathum et heredes mei dictam quartam partem tocius ville de Dalton cum pertinenciis et libertatibus et asiamentis prescriptis predictis priori et canonicis de Burscogh contra omnes homines et femines imperpetuum warantizabimus et quia volo quod hec mea donacio et concessio firma rata et stabili permaneat imperpetuum presenti scripto impressionem sigilli mei apposui Hiis testibus domino Henrico de Torbok domino Henrico de Lee Waltero de Scaresbrek Roberto Wallend Thurstano de Holand Iohanne Wallens Madoco de Acton Willelmo de Thorp clerico et aliis
Source (click image below to view full size)
