Charter Document - 00450071
| Charter Number: | 00450071 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1235 - 1256 |
| Date type: | Assigned |
| Resource Link(s): |
|
Charter:
Omnibus has literas visuris vel audituris frater Willelmus prior et canonici sancti Nicholai de Burscho salutem Noveritis nos tradidisse ad firmam Ricardo filio Ketel et Henrico filio eius hominibus nostris quamdam partem terre nostre in villa de Burscho in omni vita sua ita ut dictus Ricardus quoad vixerit eam teneat et dictus Henricus filius eius in omni vita sua post obitum patris sui Ricardi infra has divisas incipiendo in orientali parte ad divisam terre Henrici Travers sequendo fossas versus austrum usque ad terram Henrici filii Agnetis et sic ad terram quam Tille heres tenet sequendo terram illam usque ad ductam sequendo ductam usque ad predictam divisam terre Henrici Travers habendam et tenendam dictis Ricardo et Henrico filio eius sub forma prescripta cum communi pastura et communibus aysiamentis ville de Lathum reddendo inde annuatim duos solidos argenti ad festum sancti Bertelmi pro omni servicio et demanda et nos memorati prior et canonici dictam terram dictis Ricardo et Henrico quoad vixerint warantizabimus In cuius rei testimonium huic scripto commune sigillum nostrum apposuimus Testibus Roberto domino de Lathum Simone de Halsal Waltero de Scharisbrec Rogero de Hurilt[on] Roberto Walense et multis aliis
Source (click image below to view full size)
