Charter Document - 00450040
| Charter Number: | 00450040 |
|---|---|
| Cartulary Title: | The Cartulary of Burscough Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1280 - 1290 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit frater Warinus prior de Burscogh et eiusdem loci canonici salutem in Domino sempiternam Noverit universitas vestra nos dedisse concessisse et hac presenti carta nostra confirmasse pro nobis et successoribus nostris burgensibus de Ormeskirk et eorum heredibus et assignatis quod habeant liberum burgum apud Ormeskirk imperpetuum eciam omnes rectas consuetudines et libertates prout in carta domini regis plenius continetur et quod singuli eorum habeant unam acram terre ad burgagium suum cum pertinenciis et quilibet reddat pro burgagio suo duodecim denarios argenti ad duos anni terminos scilicet ad festum nativitate beate Marie sex denarios et ad festum sancti Nicholai sex denarios pro omnibus firmis ad dictum burgum pertinentibus item quod molent ad molendina nostra cum molendina habuerimus ad vicesimum granum sine secta item liceat dictis burgensibus burgagia sua vendere dare et assignare ubicumque et cuicumque voluerint salvo nobis inde servicio debito et consueto item volumus quod sit ibidem placitum quod vocatur portemonmote a tribus septimanis in tres septimanas tenend et habend de nobis et successoribus nostris sibi et heredibus suis et assignatis suis libere quiete honorifice in viis semitis turbariis moris pratis pascuis et pasturis et cum omnibus aliis asiamentis ad dictam terram pertinentibus imperpetuum item volumus et concedimus quod quicumque toftum infra burgum habuerit reddat nobis pro tofto sex denarios ad terminos predictos et habeant omnes libertates superius scriptas Nos vero predicti prior et canonici et successores nostri omnia predicta predictis burgensibus et eorum heredibus et assignatis suis contra omnes homines et feminas warantizabimus imperpetuum et ut hec nostra donacio et concessio rata et stabilis permaneat imperpetuum impressio sigilli nostri communis presentibus est appensa Hiis testibus domino Roberto Banastre domino Roberto de Lathum domino Roberto de Holand domino Henrico de Lee Iohanne Walens [et] aliis Dat []
Source (click image below to view full size)
