Charter Document - 00450003

Sciant universi sancte matris ecclesie filii clerici et laici hanc cartam visuri vel audituri quod ego Robertus filius Ricardi dominus de Lathum concessi et hac presenti carta mea confirmavi Deo et ecclesie beati Nicholai de Burscou et priori et canonicis ibidem Deo famulantibus omnes donaciones et concessiones quas Robertus avus meus predictis priori et canonicis donavit et sua carta confirmavit in puram et perpetuam elemosinam scilicet totam terram de Burscou per divisum terre Stephani Calvi usque ad Egacras ex parte versus Mertonam et totum nemus de Gritteby cum exsartis circumiacentibus scilicet terram Roberti Carpentarii cum Brakenesthewit et terram Ricardi iunioris filii Roberti et Anabille sponse sue cum terra Mathei filii Baldewini per lacum qui vadit de Scarth usque in lacum vadum de Scakeresdene et terram Galfridi Travers usque ad vadum de Hurltona Dedi eciam eis totam villam de Mertona cum omnibus pertinenciis suis in bosco in plano in pratis et in pascuis cum Tarlescou et omnibus aliis asiamentis et concessi eis ut habeant plenarie curiam suam cum omnibus libertatibus quas ego ipse habeo et dedi eis eciam ecclesiam de Ormeskirk cum omnibus pertinenciis suis et ecclesiam de Hutona cum omnibus pertinenciis suis et ecclesiam de Flixtona cum omnibus pertinenciis suis Concessi eciam ad necessaria predictorum canonicorum omnia molendina de dominico meo tam ea que facienda sunt quam ea que facta sunt Communitatem quoque exitum [] nisi ad emendacionem venerit et satisfacionem Hiis testibus []