Charter Document - 00430066

Omnibus Christi fidelibus presens scriptum visuris vel audituris frater Adam Abbas salopesberie et eiusdem loci conventus salutem in domino sempiternam universitati vestre notum facimus quod cum coram presentore Lincolniensi auctoritate apostolica super quibusdam decimis in parochia de Welinton provenientibus inter Rogerum de Corthon canonicum Lich ex parte una et nos ex altera questio verteretur tandem coram venerabili in Christo patre domino Rogero conventrensi et Lichefeldensis episcopo loci dioecesis lis conquievit in hunc modum videlicet quod frater Thomas de Salopesberia con monachus noster quem procuratorem nostrum ad conponendum et transigendum in dicta causa coram dicto domino episcopo constituimus nomine nostro dictis die et loco sponte confitebatur se velle restituere et etiam de facto nomine nostro dicto Rogero de Corthton canonico Lich nomine prebende sue de Welintone restituit medietatem decimarum de tres decem bovatis terre arabilis de vilenagio nostro de Eston et omnes decimas feni ad predictam terram pertinentes que de iure communi ad prebendam pertinent antedictam Concessit etiam dictus frater Thomas nomine procuratorio prefato Rogero nomine dicte prebende medietatem decimarum proveniendum de novalibus precisis post tempus ordinationis fratre a bone memorie Alexandro quondam Conventrensi et Lichefeldensi episcopo de dicta prebenda et etiam de novalibus de cetero presidendis infra limites parochie de Welinton salvis nobis decimis feni in parochia predicta in quarum possessione domus nostra extitit videlicet omnibus decimis de dominico de Eston et duabus partibus omnium decimarum de decimis de Hadleg de Welinton de Erdelneston et de Walecote Item idem frater Thomas auctoritate predicti mandati procuratori dicto Rogero concessit omnes alias decimas feni in quarum possessione domus nostra non extitit in omnibus aliis et per omnia ordinatione rata manente memorata Et quoniam parvo incommodo expedit in strepitu causarum servos dei quietos existere ad plenam pacem et in concussam inter Abbatiam de Salopesberia et dictum Rogerum canonicum Lich habendam salvo iure successorum eiusdem Rogeri in eadem prebenda salvoque iure nostro in omnibus et per omnia prenominatus frater Thomas nomine nostro eidem Rogero dimidiam marcam argenti anum infra octabas nativitatis sancti Iohannis Baptiste apud ecclesiam de Welinton fideliter solvendam toto tempore dicti Rogeri sub pena dimidia marca eidem Rogero quociens commissa fuerit muneranda pro bono pacis concessit Nos vero factum antedicti fratris Thome procuratoris nostri in hac parte ratum et gratum habentes fideliter promittimus nos illud idem in omnibus et per omnia in forma premissa fore servaturos Et in super bona fide promittimus quod illum impedimentum prestabimus vel a quoquam prestari procurabimus quo minus Rogerus idem dictas decimas in forma predicta integre et pacifice percipere possit Dominus vero Rogerus omnibus impetratis et impetrandis cuiuscumque fori et omni iuri sibi in hac parte competenti de dictis decimis petendis a dictis abbate et conventus possessis penitus renuntiavit et fideliter promisit quod numquam dictos Abbatem et conventum super eisdem decimis vexabit aut inquietari procurabit ut autem omnia predicta et singula stabilia sint et inconcussa dictus Rogerus et predicti Abbas et conventus sigilla sua huic scripto in modum cyrographi confecto in testimonium promissorum alternatim apposuerunt Datum apud Wombrug in crastino cathedre sancti Petri apostoli Anno gratie MCCXLVIII Hiis testibus R archidiacono Cestrensi Henrico de Wysawe officio domini episcopi Thoma Willelmo Radulfo I de sperham clericis eiusdem