Charter Document - 00400119

Assisa venit re cognitura si abbas de Thorneye Prior de Ely Johannes le Mareschal Stephanus le Fotoar et Rogerus Childing Johannes frater ejus Henricus le Plaunter Elyas de Cassaundre Ricardus Buche Johannes Beverech Ricardus Cassaundre Henricus Cassaundre Hugo Eem Ricardus Murkil Petrus Staff Johannes filius Walteri Alanus filius Walteri Willelmus le Rede de Westfen Henricus de Lilleford Willelmus de Hauvill Robertus Clarice Willelmus filius Stephani Freman Stephanus Freman Ricardus de Hockeleye Stephanus Raven Willelmus Colt Johannes filius Galfridi Ricardus Wytherne Johannes Brodheved Walterus de Suttone Willelmus filius ejus Johannes Cleyre Johannes Hugwlot Johannes Teneman David filius ejus et Walterus le Coupere injuste [] disseisiuerunt abbatem de Rameseie de libero tenemento suo in Rameseie post primam [] Et unde queritur quod disseisiuerunt eum de tribus millibus et octingentis acris marisco cum pertinentiis in eadem villa Et abbas de Thorneye venit et prior de Ely et alii non venerunt nec fuerunt attachiati quia non fuerunt inventi Ideo capiatur assisa versus eos per defaltam Et super hoc venit ballivus episcopi Elyensis et dicit quod tenementa unde queritur se disseisiri sunt in comitatu Cantebrigie in insula de Ely et petit quod assisa non fiat inde in prejudicium curie Elyensis [] Et abbas de Thorneye dicit pro se et aliis quod assisa non debet inde fieri quia dicit quod tenementa de quibus modo queritur se disseisiri sunt in comitatu Cantebrigie in villa de Witleseye et non in comitatu Huntingdonie in villa de Rameseie Et petit judicium si assisa de tenementis in comitatu Cantebrigie debeat fieri in comitatu Huntingdonie Dicit ulterius quod si convictum sit per assisam quod predicta tenementa sint in comitatu Huntingdonie et non in comitatu Cantebrigie quod nullam inde fecit injuriam neque disseisinam quia dicit quod die quo creatus fuit abbas invenit ecclesiam suam de Thorneye seisitam de predictis tenementis et de hoc ponit se super assisam [] Et abbas de Rameseie dicit quod die quo [] invenit ecclesiam suam de Rameseie seysitam de predictis tenementis et inde extitit in bona et pacifica seysina quousque idem abbas de Thorneye et alii ipsum injuste [] disseis[iv]erunt Et quod ita sit petit quod inquiratur per assisam et abbas de Thorneye similiter Juratores dicunt super sacramentum suum quod utrum tot acras quod idem abbas de Rameseie posuit in querela sua sint in tenemento quod posuit in visu suo vel sive majus sit ibi sive minus ignorant Dicunt insuper quod tenementa de quibus fecerunt visum sunt in comitatu Huntingdonia de pertinentiis manerii de Rameseie et non in Withleseye in comitatu Cantebrigie Quia dicunt quod bunde tenementorum unde fecerunt visum sunt de Gangestede usque Schirmere et de Schirmere usque Hundelake de quibus tenementis predictus abbas de Rameseie et omnes predecessores sui a tempore quo non extat memoria fuerunt in seysina sua ut de libero tenemento suo quousque predictus abbas de Thorneye Prior de Ely et alii ipsum abbatem de Rameseie injuste [] disseisiverunt Et requisiti si disseisina illa facta fuit per vim et arma dicunt quod omnes prenominati disseysitores preter predictos abbatem de Thorneye et priorem venerunt cum viis et armis ad illam disseysinam faciendam Ideo consideratum est quod predictus abbas de Rameseie recuperet seysinam suam de tenementis predictis per visum recogniturum Et abbas Thorneye et alii in misericordia Et quia predicti Johannes le Mareschal et alii ut predictum est venerunt cum viis et armis consideratum est quod capiantur pro transgressione [] Postea preceptum fuit Vicecomiti Hunt[ingdonie] quod scire faceret Johanni Abbati de Rameseie per duos liberos et legales homines [] quod esset coram Rege [] auditurus recordum et processum predictum [] ad sectam Johannis Prioris de Ely [] Et modo venit predictus Johannes Prior de Ely successor predicti Prioris de Ely et similiter predictus Johannes Abbas de Rameseie successor predicti Abbatis de Rameseie [] Et quesitum est a predicto Priore qua de causa venire fecit predicta recordum et processum hic [] Qui dicit quod erratum est in predicto processu Eo quod Abbas de Rameseie impetravit breve suum apud Lindhirst vicesimo die Septembris anno regni Regis Edwardi nunc nono et assisa capta fuit die Jovis proxima post festum Sancti Michaelis proximo sequente apud Werysleye Ita quod inter tempus date brevis et diem captionis assise elapsi fuerunt novem dies tantum et Werisleye distat de Lindishirst per quatuor dictas Ita quod impossibile esset quod predicta assisa debito modo esset arra inita Dicit etiam quod ubi Vicecomes testatus fuit quod predictus Prior non fuit attachiatus eo quod non fuit inventus habuit tamen ballivos suos residentes in tenementis de quibus visus factus fuit et processerunt ad captionem assise antequam scirent utrum ballivus suus esset attachiatus necne Dicit etiam quod Ballivus Episcopi Eliensis venit coram prefatis Justiciariis in captione prefate assise Et dixit tenementa que predictus Abbas ponebat in visu suo [] esse in comitatu Cantebr[igie] Insula de Ely Et petebat libertatem domini sui Episcopi Elyensis de Insula de Ely Et predicti Justiciarii processerunt ad captionem dicte assise predicta calumnia [] non allocata neque per judicium cassata Dicit etiam idem Prior quod ubi allegatum fuit ex parte Abbatis de Thorneye quod tenementa petita fuerunt in comitatu Cantebr[igie] in villa de Witlisheie sine responsione petentis et antequam contradictum esset in judicio inquisiverunt ubi predicta tenementa fuerunt videlicet in quo comitatu et in qua villa Ita quod tacendo potius concessit predictus Abbas predicta tenementa esse in Witlisheye quam in Rameseie Et super hoc debuerunt breve cassasse Dicit etiam quod in tali casu non deberent Justiciarii processisse ad assisam sine jurata de utroque comitatu desicut predicta tenementa sunt in comitatu Cant[ebrigie] in confinio comitatuum Cantebr[igie] et Huntedon[ie] Dicit etiam quod Justiciarii excesserunt potestatem et jurisdictionem suam in eo quod ubi juratores dixerunt quod nescierunt utrum totum acre essent ibidem nec ne juratores limitaverunt comitatus Cant[ebrigie] et Hunt[edonie] et similiter terras predicti Abbatis et predicti Justiciarii predictas bundus acceptaverunt et in rotulis suis irrotulaverunt et fecerunt quandam perambulationem sine waranto et precepto domini Regis Preterea dicit quod erratum est in hoc quod cum Abbas de Ramesie questus fuisset se disseisiri de tenemento in Rameseie et per aliquos in brevi nominatos exceptio natum esset quod tenementum illud non fuit in Ramesie Justiciarii inquisivisse debuissent per assisam distincte et aperte si tenementum illud fuisset in eadem villa nec ne et ita distincte sicut pars exceptio navit Illud tamen non fecerunt sed per illam assisam convictum fuit quod tenementum predictum est de pertinentiis de Rameseie sicut patet per recordum desicut pertinentia ejusdem manerii vel alterius sunt et esse possunt in multis locis aliis et villis quam in villa de Rameseie vel aliis villis videtur Priori nondum precise aut aperte prout deceret convictum est in qua villa predictum tenementum sit Et in his et in aliis dicit predictus Prior quod erratum est in predictis recordo et processu Et petit quod eadem recordum et processus examinentur et corrigantur [] Et predictus Abbas de Ramesie primo et principaliter petit tam auditum brevis originalis super quo predicta assisa capta fuit quam recordi et processus ejusdem assise ut et brevis per quod scire factum fuit ipsi Abbati ut esset hic auditurus recordum et processum predicta Quibus auditis dicit quod die quo creatus fuit abbas et per magnum tempus antea fuit ecclesia sua de Rameseie seisita de tenemento in predictis recordis et processu contentis [] Et Prior de Ely predecessor Prioris de Ely qui nunc est et Abbas de Ramesie predecessor istius Abbatis qui nunc est inter quos predicta assisa arrainata fuit et capta coram prefatis Justiciariis superstites fuerunt post predictam assisam captam et judicium inde redditum per octo annos et amplius Nec predictus Prior predecessor [] qui fuit pars predicti judicii et cui actio competebat ad infirmandum predictum judicium si in aliquo in eodem erratum fuisset versus predictum Abbatem de Ramesie predecessorem [] qui etiam fuit pars ejusdem judicii aliqua ipsis viventibus movebat questionem de predictis erroribus corrigendis si alique [] interfuerunt Unde petit judicium si ad sectam predictam Prioris qui nunc est procedi debeat ad examinationem predictorum recordi et processus [] Dicit etiam quod non videtur ei quod ex recordo predicto emanasse debuit aliquod breve ad premuniendum ipsum Abbatem essendi hic seu alibi in curia domini Regis auditurus recordum et processum predicta qualitercumque predictum breve per quod modo venit ad suggestionem partis adverse in curia ista impetratum fuit emanavit Dicit enim quod in recordo predicto quod audivit continetur quod quedam assisa capta fuit inter quendam suum precedentem Abbatem de Rameseie et quendam predecessorem Prioris de Ely Cujus assise partes nec ipse Abbas qui nunc est nec predictus Prior qui nunc est fuerunt Unde cum si error aut defectus aliqui in predictis recordo et processu intervenissent et curia ista super erroribus et defectibus illud judicium predictum prius redditum revocare deberet et adnullare sic oporteret quod tenementum ratione judicii sic redditi de una patria in aliam translata fuerunt restituerentur in eodem statu in omnibus in quo fuerunt ante judicium redditum quod in casu isto nullo modo fieri poterit ex quo tam Prior de Ely quam Abbas de Rameseie qui tunc fuerunt partes ejusdem assise diem clauserunt extremum Et sic videtur sibi quod curia ista ulterius de recordo et processu predictis examinandis se intromittere non deberet Nec idem Prior qui nunc est renovare continuare aut resuscitare potest vel debet querelam predecessoris sui que per mortem ipsius sui predecessoris omnino sint extincta Immo quod predictus Prior ad aliud recuperare suum si quod ei per interpretationem suam in curia Regis competere potest ad tenementa predicta recuperanda convolare debet Et hoc evidenter patet per Statutum de Marleberg per quod actio viris religiosis provisa fuit et reservata de rapinis et robberiis ubi predecessores sui obierint ante judicium Et similiter de terris et tenementis in quibus aliquis se intruserit tempore vacationis domorum suarum post mortem predecessorum suorum et in quibus casibus ipsi Abbas et Prior modo non sunt Prout patet per recordum predictum in quo continetur quod ipse Abbas tenet predicta tenementa ut illa de quibus invenit domum seisitam die quo [] et qui predecessor suus per judicium curie domini Regis et non per aliquam intrusionem in eis factam recuperavit post mortem predecessoris predicti Prioris de Ely Et petit ex quo curia ista warantum non habuit nec de jure habere potuit premuniendi ipsum Abbatem qui non fuit pars predicte assise qualitercumque breve predictum ad ipsum premuniendum emanavit quod a predicta querela absolvatur [] Et predictus Prior dicit quod ad dominum Regem pertinet omni tempore quo voluerit querelas quorumcumque sibi conquerentium audire Et remedium prout sibi decet super querelam illam apponere et maxime de injuriis et transgressionibus per ministros suos in curia sua factis nullo respectu habito ad tempus quodcumque Et preter hoc tenetur jura et hereditates Sancte Ecclesie manu tenere et defendere que semper est infra etatem et ut in custodia sua in regno suo Unde cum errores de quibus modo queritur et qui in predictis re cordo et processu inveniri poterunt si ad examinationem eorundem procedatur prout juri consonum est maxime cum errores illi ex officio et facto justiciariorum suorum et curie sue processerunt prout patet manifeste et quorum factum tam ea ratione quod predicti Justiciarii ministri sui fuerunt quam eo quod predicta ecclesia de Ely que est infra etatem ut predictum est per eorum factum et judicium exheredata est petit quod super predictis injuriis et gravaminibus predicta re corda et processus rationibus istis et predictis examinentur et in his emendentur [] Et nisi hoc sufficiat dicet aliud [] Et super hoc datus est dies partibus in Octavis Sancti Hillarii coram Rege ubicumque [] salvis partibus rationibus suis dicendis prout eis melius viderint expedire []