Charter Document - 00400102

Hec est finalis concordia facta in curia domini Regis apud Westmonasterium a die Sancti Johannis Baptiste in quindecim dies anno regni regis Henrici filii regis Johannis tertio coram Eustachio de Faucunberge domini regis Thesaurario Martino de Pateshille et aliis justiciariis et fidelibus domini regis tunc ibi presentibus inter Hugonem abbatem de Rameseia petentem per Radulphum de Norhamptone monachum suum positum loco suo ad lucrandum vel perdendum et Michaelem filium Michaelis de Waltone tenentem de duabus carucatas terre cum pertinentiis in Waltone Unde recognitio magne assise sum monita fuit inter eos in prefata curia scilicet quod predictus Michael remisit et quietum clamavit de se et heredibus suis ipsi abbati et successoribus suis et ecclesie Sancti Benedicti de Rameseia in perpetuum Cirdemannesmere et insulam de Hygeneye cum omnibus rebus ad illam insulam pertenentibus et unam acram terre quam Rogerus Tannator tenet et unam acram terre quam Ricardus le Parlour tenet et unam acram terre quam Willelmus Blanchard tenet et unam acram terre quam Simon Cocus tenet una cum ipsis Rogero Ricardo Willelmo et Simone et cum tota sequela eorundem Rogeri Ricardi Willelmi et Simonis et medietatem bosci de Waltone cum pertinentiis Que medietas jacet versus Gravele in longum et latum sicut dividitur per has metas subscriptas scilicet a marisco per antiquas divisas bosci de Ravele et bosci de Waltone et per antiquas divisas bosci de Stallinge et bosci de Waltone et per antiquas divisas bosci de Riptone et bosci de Waltone usque ad Wadesbrige versus austrum per Auane dictum et ita per Portweie versus occidentem per medium bosci usque ad Cuntesrodesweie que dividit inter boscum et exitum ville de Waltone et ita per eandem Cuntesrodesweye usque ad caput assarti Roberti de Beville et justa coriletum que meta vocatur Brocholes versus boream cum illo angulo corileti qui jacet juxta assartum predicti Roberti usque ad predictam Cuntesrodesweye et ita descendendo ab ipsa Cuntesrodesweye amplius versus Boream inter assartum predicti Roberti et boscum usque ad Radeweye que Radeweye vadit inter Barewe et boscum de Waltone et ita usque ad Crucem Serlonis et ita usque ad mariscum et medietatem triginta acrarum bosci in Barewe quam predictus Michael tenuit in dominico scilicet quindecim acras bosci versus orientem sicut jacent in longum et latum a campo versus austrum usque in mariscum versus boream que omnia predictus abbas retinet in dominio ecclesie Sancti Benedicti Rameseie de pertinentiis que fuerunt de predictis duabus carucatas terre Et preterea idem Michael remisit et quietum clamavit de se et heredibus suis predicto abbati et successoribus suis et ecclesie Sancti Benedicti de Rameseia in perpetuum totum jus et clameum quod habuit in feudo Berengarii Monachi quod idem Berengarius tenuit de antecessoribus predicti Michaelis in predicta villa de Waltone Et pro hac remissione et quieta clamantia fine et concordia idem abbas concessit ipsi Michaeli superplussagium predictarum duarum caruc[at]am terre in Waltone habendum et tenendum eidem Michaeli et heredibus suis de predicto abbate et successoribus suis et de ecclesia Sancti Benedicti de Rameseia in perpetuum per servitium quiete partis unius militis pro omni servitio Et preterea predictus abbas dedit prefato Michaeli viginti marcas argenti et quindecim quartario frumenti et unum palefridum pretii quadraginta solidorum Et sciendum quod hec concordia facta fuit presentibus predictis Rogero Ricardo Willelmo et Simone et cognoscentibus se esse villanos et predictas quatuor acras terre tenere in villenagio